استنكر الإعلامي عمرو أديب مقطع فيديو مثير للجدل للإخواني الهارب وجدي غنيم، الذي ظهر فيه متفاخرًا بمستوى العيشة التي يعيش فيها في تركيا قائلا “أيوه باكل شاورما وبركب عربيات”.
فعلق أديب خلال حلقة الأمس من برنامج “الحكاية” قائلا “فيديو فيه بجاحة ووقاحة، حقيقي بجد بيصعب عليا كل شاب إخوانجي اتخدع ومشي وراء هذا التنظيم النصاب الضلالي، الشيخ وجدي غنيم، وهو مش شيخ ولا نيلة، طلع من يومين عامل فيديو، بيقول إيه أيزه باكل وبعيش في العز، أدي الراجل اللي كان بيقول للقدس رايحين، ووراك يا مرشد ووراك يا مرسي”.
وتابع أديب قائلا “جريوا وراء العربيات والشاورما، كل اللي هممني الشباب اللي لسه لغاية دلوقتي يرى طهارة وصدق في هؤلاء، ده نصاب ويبيع أمه ويبيع أي حد عشان هو يعيش وينبسط، الشباب اللي ضلوا الطريق واللي دخل السجن، واللي عايش لحد النهاردة في حالة فصام، عايز أوريكم وجدي غنيم”.
وكان وجدي غنيم ظهر في الفيديو قائلا “فى ناس حاقدة علينا، وبتقول الناس اللى سافرت فى الخارج بتركب عربيات وبيأكلوا شاورما، طيب وأنتوا مالكم ياحاقدين يا أبو قلوب سوداء، عايزنا نأكل أيه فول وفلافل، إحنا ربنا كريمنا، كنا الأول بناكل فول وطعمية ودلوقتى ربنا وسع علينا”.
