تصدرت رانيا علواني، عضوة مجلس إدارة النادي الأهلي التريند الخاص بموقع التدوينات الصغيرة “تويتر” بعد نشرها مدونة هاجمت فيها لعبة كرة القدم وطالبت بدعم الرياضات الأخرى، بعد الجدال الذي حدث بينها وبين المتابعين بشأن المدرب الجديد للأهلي وضعف الأداء للفريق.
فعلقت علواني خلال مداخلة هاتفية مع الإعلامي عمرو أديب “أنا كنت فرحانة بالميداليات اللي حصدناها، كتبت على الفيس بوك وكل واحد قال رأيه باحترام، وقولت على تويتر نفس الكلام، وإننا متفوقين في كل أنواع الرياضة إلا كرة القدم، لقيت شتايم، وكلام عن التدريب”.
وتابعت “أنا مش بشتم فضايقت، رديت على الناس قولتلهم عبروا عن رأيكم بأدب، أنا كنت داخلة أقول إن كل اللعبات رفعت راسنا، إحنا حياتنا علني، بس الكلام بيودي في داهية، والكرة المصرية السنة دي وحشة”.
وأضافت علواني “أنا معنديش أي مشكلة مع مدرب النادي الأهلي الجديدن معرفوش أصلا، أنا في مجلس إدارة فيه الخطيب، هاخد أنا القرار، أنا هقفل تويتر ده خلاص”.
وأكملت “اللي عايز يتكلم في الكرة يتكلم، بس متدخلش تشتم واحدة ست، وتقولها إنت مكانك المطبخن بس انا غلطت إني جرجرت نفسي وراهم، اللي كنت عايزة اقوله، إن عندنا ثروة من الشباب اللي رفعوا راسنا”.
بصراحة كلامك جميل و في محله وللاسف كل إللي ردوا عليكي ليس لديهم نظرة ثاقبة وغير واقعية.. فعلا كرة القدم بيتصرف عليها اموال تكفي العلاوات الخمس وتزيد.. ولكن في ناس هدفها تحطيم النجاح.. خالص تحياتي