علق دكتور سعيد فتحي، المدير التنفيذي لمجموعة صيدليات رشدي على قرار الإدارة المركزية للعلاج الحر والتراخيص بوزارة الصحة نقابة الصيادلة بالقاهرة بشطب الدكتور حاتم رشدي، والدكتور أحمد العزبي من سجلات الصيادلة بوزارة الصحة والسكان.
فأوضح فتحي خلال مداخلة هاتفية مع برنامج “الحكاية” قائلا “الصيدليات مفتوحة، والشركة الخاصة بنا مفتوحة، دائما الأمور بيتم خلطها كعادتنا لأهداف معينة، ده قرار صدر بطريقة معينة، لصيدلي زي أي صيدلي ممكن يصدر ضده حكم، الصيدلي ده لو صدر ضده حكم هيطعن عليه، وقدامه طرق قانونية كتير حتى يصبح الحكم قائم”.
وتابع “دكتور حاتم رشدي معندوش أي صيدليات مرخصة باسمه، وهو عضو مجلس إدارة مش رئيس مجلس إدارة، النهاردة الشركة كيان كبير، وحجم شغلها كتير، القرار هل قانونيته إيه”.
وأضاف فتحي “لكن في الأخير لا يصح إلا الصحيح، كل الناس لازم تمتثل لأي حكم قضائي، ولكن الأمر بعيد كل البعد عننا، كده مينفعش، بلدنا هتنهض إزاي، ليه محدش جه يقولنا إنتوا طورتوا إزاي، إحنا حاولنا نقدم إيد العون كتير”.