روى الإعلامي محمود سعد ما تعرض له من إهانات وشتائم هو فريق العمل التابع لبرنامجه “باب الخلق” المذاع على قناة النهار، في منطقة الحلمية، أثناء مساعدتهم لبائع كتب عجوز.
سرد محمود سعد تفاصيل ما حدث قائلًا “عرفنا إن في راجل عجوز تجاوز 80 عام قاعد بيبيع كتب، واسمه عم عبد الحليم، قعدنا قعدة لطيفة، ولقينا إن المحل بتاع هو مش قادر يدخله، وقررت أروق المحل أنا والشباب زمايلي، وبدأنا نخرج الكتب عشان نروق المكان ونسمح للراجل يعرف يدخل محله”.
وتابع سعد “فجاة دخل واحد مسح بيا الأرض، وقعد يقول إنتوا جايين تعملوا حاجات تافهه، شوفوا الزبالة والحاجات الثانية، وشتمنا ومشي، وبعدين جت واحدة ست، وقعدت تقولنا إنتوا بتعملوا إيه في عبد الحليم، وإحنا محتكناش بالأخ الأول، ولقينا الحكاية إتقلبت وكأننا بنعمل جريمة، فرجعنا كل حاجة مكانها تاني”.
وأضاف “كلام الناس أثر فينا واضايقنا، لأننا كنا جايين نعمل حاجة كويسة، الناس اللي بتفتي وهي مش عارفه حاجة ناس مش قليلة، يعني الست اللي كانت معتقدة إننا بنأذي عبد الحليم مكنتش عايزة تسمعنا، لازم الناس تبقى عندها شوية صبر”.