أشاد الإعلامي تامر أمين بما فعله النجم المصري محمد صلاح، لاعب منتخب مصر ونادي ليفربول الإنجليزي، من تبرع لصالح معهد الأورام بمبلغ ـ3 مليون دولار بعد حادث الانفجار الإرهابي، وذلك وفق ما أكده الدكتور محمد عثمان الخشت رئيس جامعة القاهرة.
فعلق أمين خلال حلقة الأمس من برنامج “أخر النهار قائلا “نجمنا المصري الكبير العالمي محمد صلاح في هدوء تام وبدون دوشة ومسرحية وشو اتبرع ب 3 مليون دولار لصالح معهد الأورام، عشان يساعد في إصلاح معهد الأورام”.
وتابع أمين “هو ده محمد صلاح اللي أنتوا بعد كأس الأمم الأفريقية قطعتوه وكلتوه وهاجمتوه وقولتوا إنه معندوش وطنية ولا انتماء وبيلعب في ليفربول ومش بيلعب في بلده، وأنا كنت من الناس القليلة اللي دافعوا عن محمد صلاح، وقولت أوعوا تهدوا الرمز، وأوعوا تمشوا ورا الأخوان، محمد صلاح مفيش مرة البلد كانت بتنادي إلا ومحمد صلاح كان من الناس اللي بتلبي النداء”.
وأضاف أمين “مش عايز اتكلم كتير عشان الإحسان مينفعش نتكلم فيه كتير، لكن اللي بيعمله محمد صلاح تضامنا مع مصر وحبا وانتماءًا في مصر يخلي أي كلام خاص بالتشكيك في وطنيته عبث وكلام سخيف لا يستحق عناء الرد عليه، شكرًا مع صلاح”.
