روى الطبيب المعالج للإعلامية ريهام سعيد دكتور حسام فودة، أستاذ ورئيس وحدة تجميل الوجه قسم الأنف والأذن بكلية الطب جامعة الأسكندرية، تفاصيل مرضها خلال حقة الأمس من برنامج “صبايا”.
فقال فودة “أول مرة ريهام جتلي العيادة أول ما كشفت على أنفها كان فيه إحمرار وتوم جامد جدًا كان لازم نتأكد هل ده التهاب، ولا تجمع صديد وخراج في الأنف، فطلبت منها أنها تستحملني شوية، وعملت فاتحة بالمشرط داخل الأنف، وجابت كمية صديد كبيرة، وده أكد لنا أننا أمام تجمع صديدي”.
وتابع “بدأنا حقن مضاد حيوي عشان اللالتهاب ميزدش، وشفتها بعد يومين وكان حصل تجمع جديد، اضطرينا ندخل العمليات وخدت بنج كلي عشان نفضي الصديد وهي مرتحتش، ونزلت بالدرنأة وصورت حلقة كأس الامم الأفريقية”.
وأكد “مر أسبوع والالتهاب متحسنش فاتأكدنا أن الالتهاب وصل للغضاريف بتاعت الأنف، فمهما ادينا مضادات حيوية مكانش هيوصل للغضاريف، فكان لازم نشيل الغضاريف، ولما الغضاريف تتشال يبقى المناخير مجرد لحمية ومشوهه تماما، وعشان أصارح ريهام بده كان أمر صعب”.
وأضاف “كان لازم تتشال وتقعد 6 شهور من غير غضاريف ونقدر نزرع غضاريف جديد، ولما شلنا كل الغضاريف، كان شكل الأنف مشوه بطريقة بشعة، فقررنا ناخد المجازفة، وناخد الغضاريف من الودنين ونزرع غضاريف جديدة في المناخير، الحمد لله معجزة إن الغضاريف عاشت وشكل المناخير متشوهش”.