عادت الإعلامية ريهام سعيد إلى برنامجها “صبايا” بعد الوعكة الصحية التي تعرضت لها في الفترة الأخيرة، وذلك خلال حلقة الأمس من برنامجها المذاع على قناة “الحياة” الفضائية.
وفي مقدمة الحلقة قالت رهام “ألف حمد وشكر رجعنا، والله مكنتش متخيلة خالص إن ده يحصل بالسرعة دي، بشكركم جدًا، النس اللي ظهرت على الشاشة كانوا واحد في المية من الدعم النفسي اللي حصلت عليه من الوسط الفني والإعلامي”.
وتابعت ريهام “بشكركم جدًا من كل قلبي، وبشكر ربنا جدًا وفرحانة جدًا، وراضية جدا على ابتلائاته اللي بتحسسني كل شوية قد إيه الناس بتحبي، وإن الصبر ده حاجة تحدي الواحد بيخوضة، وإن الابتلاء على قد ما هو مؤلم، بس كل أزمة بتطلع منها بني آدم أحسن 100 مرة، كرم من ربنا إنه يعرفك قيمة الدنيا والحياة والأخرة، ومين جدع ومين ندل، ومين هيبقى بيعرفك بس للمصلحة، ناس غريبة جدًا ظهرت في الفترة اللي فاتت، وناس وقعت من نظري كتير”.
وأضافت “النهاردة موضوع الحلقة هيكون عن إني هنقلكم خبرة صغيرة، عن إنك إزاي ممكن في لحظة كنت هتفقد حاجات مكنتش عامل لها قيمة، هنقل لكم الموقف اللي كنت فيه، لعل وعسى إنه يغير حاجات كتير في حياتكم، مفيش حد قابلته صغيرة أو كبير مبيقولليش دعتلك ولا افتكرتك، طبعا في قلة قليلة اللي بتظهر على السوشيال ميديا وكانوا بيقولوا إني بمثل”.