استنكر الإعلامي عمرو أديب مستوى مباراة القمة بين فريقي الأهلي والزمالك، والتي فاز فيها النادي الأهليبهدف نظيف، للاعب علي معلول، وذك خلال حلقة الأمس من برنامج “الحكاية” المذاع على قناة “أم بي سي مصر”.
فعلق أديب قائلًا “مباراة باهتة وكرة باهتة، وتحس إن ماتش أبيض وأسود ملوش لون، ويعز عليك إن ده مستوى الكرة المصرية، فتور شديد في الماتش، طبعا أنا ممكن أفهم إن لاعيبة الأهلي ميبقاش عندها الحماس المطلوب، إنما السؤال المهم لاعيبة الزمالك ملعبتش ليه، إيه الدافع إنهم ميلعبوش، دي فرصة إنهم يراضوا الجمهور بتاعهم”.
وتابع أديب “أداء فاتر ملوش أي معنى وأي لازمة، ليه مفيش الحماسة دي، ولكن في النهاية أقولك كل واحد كان مستغرب من أداء منتخب مصر، يتفرج على الماتش ده وهو يعرف، دول لاعيبة مصر، وأدي في النهاية الأداء بايخ، نهاية بايخة جدًا للدوري”.
وأضاف أديب “لمشجعي النادي الأهلي هل أنتوا مبسوطين، أنتوا فعلا حاسين إن فرقتكم بتلعب كرة،أنتوا راضيين عن أداء الفرقة، أنا مش بنكد عليكم في نهاية الدوري، في مشكلة في كرة القدم المصرية، مستوانا بقى ضعيف جدًا كرويا، الكرة بالنسبة للمصريين شيء مهم جدًا، إنما الأداء والتدهور ده والنتيجة بالشكل ده شيء باهت جدًا، حلال على الزمالك كاعادة المركز الثاني”.
شاهد الفيديو…
مادام اللعيبة بتاخد فلووووس على الفاضى حتلعب ليه الذى يجد هو المحتاج