بالفيديو| ريهام سعيد تكشف لـ عمرو أديب حقيقة مرضها وترد على الشائعات

بالفيديو| ريهام سعيد تكشف لـ عمرو أديب حقيقة مرضها وترد على الشائعات

كشفت الإعلامية ريهام سعيد حقيقة مرضها، وذلك خلال مداخلة هاتفية مع الإعلامي عمرو أديب في حلقة الأمس من برنامج “الحكاية” المذاع على قناة “أم بي سي مصر”.

فروت ريهام قائلة “مستغربة ليه الناس مهتمة أوي تعرف أنا عندي إيه بالضبط، من غير ما أهتموا يعرفوا أنا حالتي بقت كويسة ولا لأ، مش عارفه إشمعنى أنا اللي طول الوقت كذابة، أنا جالي ميكروب في حتة اسمها مثلث الموت، أي حاجة حوالين مناخيرك وعينك اسمها مثلث الموت، لأن ربنا خالقها مفيهاش دم، والميكروب لما بيبقى في المنطقة دي، ومتعالجش بيسرح في حتة ثانية”.

وتابعت ريهام “والأطباء قالولي الميكروب يا إما جه عن طريق خراج كان عندي في الأسنانن أو لأن المناخير اتفتحت قبل كده وحصل نوع من التلوث، مهتموش ليه، قد ما أهتموا انهم لازم يتصرفوا بسرعة جدًا، أنا كنت تعبانة بقالي 4 شهور، وكنت بستهزأ به”.

وأكملت “وبعد كده الدكتور قالي أنا مكنتش عايز أخضك، بس المضاد الحيوي مش بيعمل معاكي حاجة، وقالي إحنا هنشيل مناخيرك خالص، وقالي هتعيشي من غير مناخير لمدة 6 أو 7 أشهر، هو دخلي العمليات 3 مرات، مرة عشان يطلع الميكروب، ومرة ركب درنأة، ومرة شال المناخير خالص”.

وأضافت ريهام “بعد ما فقت لقيت عندي مناخير، والدكتور قالي إحنا عملنا كونسلتو، وقولنا لو شفتي شكلك كده هتنتحري، وإحنا خدنا ريسك، إن المناخير دي تعيش، فإحنا فتحنا ودانك وخد الغضاريف من ودانك وباني بيهم مناخيري”
شاهد الفيديو….