بالفيديوا المصري المعتدي عليه بالطائرة الرومانية يحكي التفاصيل لعمرو أديب

بالفيديوا المصري المعتدي عليه بالطائرة الرومانية يحكي التفاصيل لعمرو أديب

روى المواطن المصري المعتدي عليه بالطائرة الرومانية “حسن سلامة” يحكي تفاصيل الأزمة داخل الطائرة، وذلك في مداخلة هاتفية مع الإعلامي عمرو أديب خلال حلقة الأمس من برنامج “الحكاية” المذاع على قناة “أم بي سي مصر”.

فعلق قائلًا” اللي حصل مراتي قدام الركاب كلهم مغلطتش، والدليل إنهم صمموا لو أنا نزلت هينزلوا كلهم، المدام كانت قاعدة على كرسي  رقم 11 وأنا وابني ورا خالص، المضيفة كانت بتكلمها فأنا قمت من جنب ابني وروحتلها، لقيت المدام بتقولي قومي من هنا، لأنها مبتتكلمش إنجليزي، لأنه لازم اللي يقعد هنا يكون بيتكلم إنجليزي، لأنه جنب باب الطوارئ، رغم إنه هما اللي مدينا الكرسي ده”.

وأضاف “كانت شنطة يد، وليست شنطة ظهر وعلى رجلها، مش عند الباب، ومنقدرش نحطها بعيد عننا، لأن فيها كل حاجتنا، فيها فلوسنا والباسبور وكل حاجتنا، والناس ترجمت لنا الكلام، وضحكوا على المضيفة، فالمضيفة اضايقت بقى إن الناس ضحكت عليها”.

وتابع “بعد كده زوجتي راحت جنب ابني ورا وأنا في كرسي آخر، وسبنا الكرسي ده خالص، فجأة لقيتها قالتلها أديني كارت الطيارة، و2 بوليس رايحين لمراتي، وطلبوا مني باسبور المدام، وبيقولولي الكابتن أمرنا أننا ننزل من الطيارة، والركاب اعترضت، وقوموني بالمنظر الرهيب اللي اتعملوا معايا بيه”.