شارك الشيخ خالد الجندي في تطبيق “face app” وعرض صورته في تحدي الشيخوخة، وذلك على الهواء مباشرة في حلقة الأمس من برنامج “لعلهم يفقهون” المذاع على قناة “دي أم سي”.
وعلق الجندي قائلا “واحد بعت لي صورة ليا انا شخصيا، وانتابتني حالة من البكاء الشديد، لأني الحقيقة عرفت قد إيه الإنسان ضعيف، وقولت ياترى هل هوصل للسن ده، وأنا كنت محتاج لعظة، والصورة دي أنا شخصيًا استخدمتها في العظة”.
وتابع الجندي قائلًا “هوريكم صورتي لا يستحي الناس من واقع الحياة، هذا ليس رجمًا للغيب، ولكن لو حدث شكلك هيكون عامل إزاي، أنا شخصيًا جربتها عشان اتعظ، زي اللي بيروح للمقابر عشان يكسر نفسه، ويحاصر نفسه من النزوات والدفاع، ومن أي معصية”.
وعرض الجندي صورته وهو عجوز وعلق قائلًا “طب والله قمر، واللي مش عاجبه مش عاجبه، شايفين الملامح، والله البشاشة ليها ناسها، ناخد الموضوع بشكل كوميدي ولطيف ولذيذ، وانت بينك وبين نفسك تتعظ، وتعرف غن هيجيلك يوم تفقد الصحة والتركيز والعمر، كنت مستني شيخونا يتكلموا عن حديث الرسول اغتنم خمس قبل خمس مش يهاجموا البرنامج”.