استنكر الإعلامي عمرو أديب الهجوم الذي تعرض له بعد أن قال أن الليمون غير مهم، ويمكن الاستغناء عنه وذلك خلال حلقة الأمس من برنامج “الحكاية” المذاع على قناة “أم بي سي مصر”.
فعلق أديب قائلًا “النهاردة تعرضت لحملة شعواء على موضوع الليمون عشان قولت إيه أهمية الليمون، في حاجات كنت عايز أفهمها، يعني غلاء السكر والزيت والشاي مهم، إنما إيه أهمية الليمون، كان الرد عصير الليمون، طب ما تعمل عصير برتقال ولا فراولة”.
وتابع أديب قائلًا “الليمون موضوع تطور، لقيت ناس بتكرر حدوتة وبتقول في عصر السيسي الليمون ب 100 جنيه وفي عهد مرسي كانت المانجة ب 4 جنية، لأ كذاب هو أي حاجة، إحنا بنأكل 100 مليون كل يوم إيه اللي حصل، وبدأ كلام يتقال هي العيشة تتعاش من غير ليمون، في خل يا جماعة، وفي ليمون أضاليا، في ناس بتتخيل إني مجنون وإني عندي هبل المؤامرة، الليمون ده أخر الشهر هيبقى ب 3 جنيه”.
وأضاف أديب ” في أشياء بفهمها، وبتعاطف معاها، بس يوله الليمون”.
شاهد الفيديو..