استضاف الإعلامي أحمد موسى الشيخ صلاح الجمل القارئ الشهير، وذلك خلال حلقة الأمس من برنامج “على مسئوليتي” المذاع على قناة “صدى البلد” الفضائية.
وتحدث الشيخ صلاح الجمل عن تفويضه للرئيس السيسي قائلًا “في 2013 كان الرئيس السيسي وقتها القائد العام للقوات المسلحة، وفي حد طلع على المنصة في التحرير، وقال إن السيسي لازم ياخد نجمة سينا، وأنا أول من قولت ذلك إن الشعب الذي أسقط 2 رؤساء ضعاف أو فاسدين مهما اختلفنا أو اتفقنا، هو اللي يدي ذلك”.
وتابع الشيخ صلاح الجمل “وفي فترة الأخوان طلبوني اروح أصلي بالناس وأنا مروحتش لأني مش أخواني، واللي كلمني في المرة الثانية في صلاة التحرير، والمكالمة معجبتنيش، كان صفوت حجازي، بطريقة معجبتنيش، بيقولي : بلغني أنك تصلي في التحرير؟، قولتله : أه أنا بصلي في التحرير، قالي أنا مش مصدق هو أنت مقتنع”.
واضاف صلاح الجمل “فرديت عليه: قولتله وهو أنت اللي ندتني وقولتلي تعالى صلي عندنا، قالي يعني لو ناديتك تيجي، قولتله وأنت مش هتناديني، على الأقل أنا مش مربي دقني هتاخدني إزاي، وكلمني مرة ثانية بس اعتذرت ومردتش أروح أصلي في رابعة، أنا مش هوايا كده، أنا هوايا الدنيا تمشي”