أوضح الداعية الإسلامي خالد الجندي رأيه فيما يخص خفض صوت مكبرات الصوت في المساجد خلال شهر رمضان الكريم، بعد الانتقاد الذي تعرض له في الفترة الأخيرة.
فعلق الجندي خلال حلقة الأمس من برنامج “لعلهم يفقهون” قائلًا : في نوعين من الخطاب لازم نحذرهم لأنهم هيودونا في داهية، في الأيام اللي جاية في رمضان، بعض الخطاب الإسلامي والدعوي المتخلف اللي مصر يفرض رأيه عليك، وبعض الخطاب الإعلامي المتطرف، دول ودول كدابين ونصابين، وبيلفقوا ويقطعوا الكلام من سياقه، وهنشوفه كتير جدا من بعض الشخصيات.
وتابع الجندي قائلًا : الأمر يشبه المقارنات اللي بيعملها بعض الأبا يعني لو واحد ابنه سقط في الإمتحان ويجي أبوه يقوله ليه يا بني جبت درجات ضعيفة، يقوله وإيه يعني ما فلان ابنه تاجر مخدرات، أنا مالي ومال غيري، أنا بكلمك أنت.
وأضاف الجندي : لما بنقول للناس يا جماعة وطوا الميكروفنات، ردوا بعنف وقالوا ما تتكلم عن التكاتك وعن جرس الكنيسة وعن الأفراح الشعبية، فالناس دي عندها ضعف في عضلة الاستقبال، أنا مالي ومال غيري ومال التكاتك هي دي مثلك الأعلى”.
وأكمل الجندي “وعلى العموم عشان نهدى ونبرد، يا جماعة يا بتوع التكاتك بطلوا إزعاج، يا جماعة يا بتوع الكنائس وطوا الأجراس، يا جماعة إحنا بنتكلم عن كل مظاهر الإزعاج”.
شاهد الفيديو…