استنكر الإعلامي تامر أمين، إعطاء العمال إجازة يوم “عيد العمال” الموافق اليوم 1 مايو من كل عام، وذلك خلال حلقة الأمس من برنامج “آخر النهار” المذاع على قناة “النهار” الفضائية.
فعلق أمين قائلًا “تخيلوا ورغم إني عارف إن العمال هيزعلوا مني، وجزمتهم فوق راسي، لأنهم بناة مصر، وهما القاطرة التي تجر القطر كله، ولولاهم لخربت البلاد، بس أنا بتكلم عن اللقطة، عيد العمال اللي هو عيد العمل، عيد الإيد الشقيانة، عيد لقمة العيش، عيد العمل يبقى أجازة، لا يجتمعان، من وأنا صغير مش شايف اللقطة دي تمشي”.
وتابع أمين قائلًا “إحنا نقول إن يوم العمال هو اليوم اللي بنقدر فيه العمال، والسواعد التي تبني وتصنع وتزرع، فينفعش اليوم ده العمال تأجر، في مليون طريقة للاحتفال منها احتفال الدولة اللي الرئيس يكرم فيه العمال ويعطيهم مكأفآت، أو ندي يوم إضافي للعمال في هذا اليوم، عشان نحسس العمال إنهم مقدرين”.
وأضاف أمين “إحنا أسهل حاجة بنعملها أننا ناخد أجازة، وكأن الإنتاج عندنا فائض، ومش عارفين نودي المنتجات فين، والله الناس كده كده مريحه، أنا عارف إني هتلعن سلسفيل جدودي دلوقتي”.
اطلع من دول يالئيم تلاقى جت لك تعليمات من المخابرات ان الدولة عاوزة تلغى أحازة عيدالعمال فقالت لك ترمى بالون اختبار بالكلام اللى انت ينقوله ده على العموم مش هاتفرق وعلى رأى السيسى كده خربانة وكدة خربانة