قدم الشيخ مبروك عطية شرح بسيط لدعاء “اللهم بلغنا رمضان” وذلك خلال حلقة الأمس من برنامج “يحدث في مصر” المذاع على قناة “أم بي سي مصر” الفضائية، مع الإعلامي شريف عامر.
فعلق الشيخ مبروك عطية على الدعاء قائلًا “إحنا المفروض منقولش دعاء اللهم بلغنا رمضان إلا إذا كنا قبل رمضان 100%، وعايزين ربنا يبلغنا رمضان عشن نبقى 200%، والدليل على كده إن الرسول عليه الصلاة والسلام كان أكرم الناس طوال السنة، وأجود الناس، وكان أكرم ما يكون في رمضان”.
وتابع الشيخ مبروك عطية قائلًا “الخراب المستعجل اللي بيقول اللهم بلغنا رمضان وهو زي القطران طول السنة، ومحتاج شهر يبقى جيد وبعدين بعد رمضان يرجع تاني، المفروض أنا أعلم الناس، إن اللي يقول اللهم بلغنا رمضان رجل محتاج إلى الزيادة، ناس عندها حب الزيادة، يعني المفروض ندور على ناس كانوا قبل رمضان 100% ويبقوا في رمضان 180% مثل الرسول عليه الصلاة والسلام”.
وحذر الشيخ مبروك عطية من لسان الصائم خلال رمضان ، بأن يتحكم كل صائم في لسانه.
شاهد الفيديو….