خلال كلمته باحتفالية عيد العمال، التي أقيمت اليوم الثلاثاء بمحافظة الإسكندرية، قال الرئيس عبدالفتاح السيسي، موجهًا حديثه لجموع المصريين: “مصر عمرها ما هتبقى مصر غير بيكم كلكم”، مضيفًا: “خدوا الكلام ده ودايمًا تحفظوه وتحفظوه لأولادكم، محدش مخلد في مكانه غير البلد وأهلها فلازم دايمًا عنينا تكون عليها وعلى سلامتها”، ليتطرق إلى التعليق الاول له على الاستفتاء على التعديلات الدستورية وقبولها من جانب أغلبية المصريين.
وأضاف الرئيس السيسي، أن نزول المصريين في أي انتخابات يكون كفيلًا لتحقيق إرادتهم، وجاء تعليق الرئيس كالتالي:
: “نزولكم في أي نتخابات بيكون كفيل إنكم تحققوا اللي إنتوا عاوزينه، لو اللي إنتوا عاوزينه إن مكاني يبقى هنا، هيكون هنا.. الدنيا كلها كانت بتتكلم عن تجربة الاستفتاء اللي فاتت، بغض النظر عن النتيجة، مفيش في الوجود اللي إحنا فيه ده حاجة عليها إجماع كامل، ففيه ناس هتقول آه ونقبلها وناس هتقول لأ ونقبلها، مفيش حاجة 100%، لكن الأصح من ده إن الناس لما تنزل تحط كلمتها هتفرض رأيها وإرادتها”.
وقال “السيسي” أيضًا في إشارة إلى الاستفتاء على التعديلات الدستورية: “بالمناسبة كان فيه كلام كتير قبل الموضوع ده قبل ما الناس تنزل لكن بمجرد ما الناس نزلت، الناس سكتت بره، وأنا سعيد بده مش علشاني لكن علشان إرادتنا، لو إنتوا بيتهيألكم إني سعيد بكده، يبقى تقديركم ليا مش في مكانه، أنا سعيد بيكم إنتوا، وسعيد ليكم إنتوا، وإنتوا دايمًا ما تفرحوش وما تتمنوش غير الأمان والسلام والتقدم لبلادكم، وده ما بيجيش غير بيكم إنتم”.