قال الرئيس عبدالفتاح السيسي، موجهًا حديثه للشعب المصري: “مصر عمرها ما هتبقى مصر غير بيكم كلكم”، متابعًا: “خدوا الكلام ده ودايمًا تحفظوه وتحفظوه لأولادكم، محدش مخلد في مكانه غير البلد وأهلها فلازم دايمًا عنينا تكون عليها وعلى سلامتها”.
وأضاف الرئيس عبد الفتاح السيسي، خلال كلمته باحتفالية عيد العمال، المنعقدة اليوم بمحافظة الإسكندرية، أن نزول المصريين في أي انتخابات يكون كفيلًا لتحقيق إراتهم: “نزولكم في أي نتخابات بيكون كفيل إنكم تحققوا اللي إنتوا عاوزينه، لو اللي إنتوا عاوزينه إن مكاني يبقى هنا، هيكون هنا”.
وتابع الرئيس السيسي: “الدنيا كلها كانت بتتكلم عن تجربة الاستفتاء اللي فاتت، بغض النظر عن النتيجة، مفيش في الوجود اللي إحنا فيه ده حاجة عليها إجماع كامل، ففيه ناس هتقول آه ونقبلها وناس هتقول لأ ونقبلها، مفيش حاجة 100%، لكن الأصح من ده إن الناس لما تنزل تحط كلمتها هتفرض رأيها وإرادتها”.
وأردف الرئيس السيسي: “بالمناسبة كان فيه كلام كتير قبل الموضوع ده -في إشارة إلى الاستفتاء على التعديلات الدستورية- قبل ما الناس تنزل لكن بمجرد ما الناس نزلت، الناس سكتت برة، وأنا سعيد بده مش علشاني لكن علشان إرادتنا، لو إنتوا بيتهيألكم إني سعيد بكده، يبقى تقديركم ليا مش في مكانه، أنا سعيد بيكم إنتوا، وسعيد ليكم إنتوا، وإنتوا دايمًا ماتفرحوش وماتتمنوش غير الأمان والسلام والتقدم لبلادكم، وده مابيجيش غير بيكم إنتم”.
