بالفيديو| تعليق ناري من ريهام سعيد للشامتين في شريف مدكور: يا أهبل

بالفيديو| تعليق ناري من ريهام سعيد للشامتين في شريف مدكور: يا أهبل

أعربت الإعلامية ريهام سعيد عن حزنها وتضامنها وتمنياتها بالشفاء للإعلامي شريف مدكور، بعد إصابته بمرض السرطان.

فعلقت ريهام خلال حلقة الأمس من برنامج “صبايا” المذاع على قناة “الحياة” قائلة “أنا وشريف كنا زملاء في قناة المحور، ثم زملاء في قناة النهار، ثم زملاء في قناة الحياة، بقالنا كتير أصدقاء وبنقف دايما جنب بعض، وقف جنبي كتير أوي، وكان بيدافع عني كتير أوي، عمرنا في حياتنا ما غيرنا من بعض، كنا دايما واقفين في ضهر بعض”.

وأكملت ريهام سعيد قائلة “وإحنا الاثنين كنا بتعرض لهجوم كبير، أنا عشان بمثل إني طيبة وخيرية، وهو عشان تيشرتاته الملونة، وأسلوب كلامه، أتعرض للتنمر كتير جدًا، وكان يقعد يقول أنا هاخد حسنات”.

وتابعت ريهام قائلة “شريف مدكور من الناس المحظوظة عشان شافت حب الناس وهي عايشة، ناس كتير محدش عرف إن الناس بتحبهم إلا بعد ما ماتوا، شريف مدكور محظوظ إنه حس وشاف وسمع”.

وأضافت ريهام سعيد قائلة “لما قولتله غيه حب الناس ده قولتله إيه ده، قالي أنا مخضوض، تصوري اصالة وخالد سليم وأحمد حلمي وتامر حسني، كل الناس كتبوا لي بوستات ودعولي وتمنولي الشفاء”.

ووجهت ريهام رسالة إلى الشاميتن في مرض مدكور قائلة “كل الناس مفيش واحد في مصر متنماش الشفاء لشريف مدكور، غير بوستين ثلاثة من ثلاثة ضد نفسهم، بيقولوا ده عقاب عشان كان مع الدولة، يا اهبل، ده ابتلاء، طب ده كلنا هيجلنا سرطان في القولون”.