استنكر حسام نجم، عضو أمانة حزب مستقبل وطن، ما نشرته بعض الصفحات والمواقع التي تفيد أن الحزب يوزع كراتين كرشوة إنتخابية على الجمهور من أجل حشدهم للتصويت والمشاركة في الاستفتاء على التعديلات الدستورية.
فندد نجم خلال مداخلة هاتفية مع الإعلامي أحمد موسى ببرنامج “على مسئوليتي” قائلًا “محمد البرادعي طلع على الصفحة بتاعته صور قديمة للحزب عندنا كان بيوزع في رمضان اللي فات زي أي جميعات”.
وتابع نجم قائلا “أنا بعترف على الهواء إننا وزعنا بعض الأعلام، كدعايا للحزب، أما الكراتينوالكلام ده غير صحيح، كفاية إن محمد البرادعي هو اللي نشره، وإحنا عندنا فئة ربنا مسطلهم علينا”.
وأضاف نجم “إذا كنا عايزين نتكلم على رشاوي، الرئيس لما قال معاش تكافل وكرامة، وتطوير العشوائيات بتاعت غيط العنب مثلا، هل ده رشوة للشعب الغلبان، ولا سداد ديون الغارمات”.
وأكمل “مفيش حزب جايله توجيهات، زي ما بيتقال، مش ممكن الناس دي ضد الدولة، وعندهم مرض، لازم نكشف عليهم، أنا مش عايز اتهمهم بالخيانة، عشان قاعدين معانا في نفس الوطن”.