هاجم الإعلامي تامر أمين مهاجمي فيديو حضن سيد رجب لعروسة يتيمة، ليلة فرحها، بعد أن حقق لها الفنان أمتيها بحضور فرحها لوجود شبه بينه وبين والدها المتوفي.
فعلق أمين خلال حلقة الأمس من برنامج “أخر النهار” قائلًا “الحقيقة أنا مش مصدق إن في ناس شتموا الراجل وهاجموه، وقالوا ده حرام وجريمة وإثم بين، الواقعة إن الفنان القدير سيد رجب، شاب على السوشيال ميديا بنت هتتجوز كمان كام يوم، وحلمها إنه يحضر فرحها، وكتبت على الفيس بوك ده، وهو شكل أبويا”.
وتابع أمين “فالراجل من لطافته ورقته وجماله، تواصل معاهم وراح الفرح، وهو بيهني العروسة حضنها حضن أبوي، البنت العروسة المحجبة شافته داخل القاعة من هنا من فرحتها وصدمتها الإيجابية جريت في حضنه، مكنتش مصدقة إن النجم الكبير ده هيتواضع ويجي الفرح”.
وأضاف أمين “أنا عايز أعرف إيه الفج والشهوة والإثارة في المشهد، بعد الواقعة بدل ما الناس تشكر سيد رجب وتقول أيوه هو ده الفنان الإنسان، لقينا هجوم كبير من تيار معين عليه، وقالوا إزاي كده، حاجة في نتهي المرض، مش هقول لفظ تاني، لا يا سادة ده مش إثم ولا غلط، دي لمسة إنسانية في منتهى الروعه من سيد رجب، ولو أنا مكانه هعمل كده عشر مرات”.
شاهد الفيديو…