علق دكتور أحمد عبد العال، رئيس هيئة الأرصاد الجوية على حالة الطقس قائلًا “التغيرات المناخية عملت ظواهر غريبة في العالم كله، مش مصر بس، إحنا عارفين إن الربيع بيكون في نشاط للرياح ارتفاع للحرارة، لكن إنخفاض كامل في الحرارة وأمطار، ده غريب وتغير مناخي.
وأوضح عبد العال خلال مداخلة هاتفية مع برنامج “أخر النهار” مع الإعلامي تامر أمين قائلًا “بدءًا من اليوم الأربعاء سيتحسن الجو غير المستقر، ونشاط الرياح سيهدأ ومفيش فرص أمطار، ودرجة الحرارة ستكون أقل من معدلها، ولكنها ستكون درجة حرارة جيدة، ودرجة الحرارة في القاهرة ما بين 24 و 25 درجة حرارة، وده يعتبر جو خفيف جدًا، وده يخليني لسه بقول محدش يخفف الملابس، اللي هيرجع بالليل متأخر لازم يبقى معاه جاكت تقيل، وبالنهار نلبس ملابس ربيعية مش تقيلة أوي ولا خفيفة أوي”.
وكشف عبد العال أن هناك خطة لتغيير وصف المناخ في المناهج الدراسية بدلا من حار جاف صيفا ..دافيء ممطر شتاءًا قائلًا “نشكل لجنة في هيئة الأرصاد من السادة العلماء في الأرصاد الجوية من الهيئو والجامعات المصرية، عشان نشوف وصف مناخ مصر اتغير، وإيه جديد، وإذا وصلنا للتغيير، في بروتوكول بيني وبين وزارة التربية والتعليم وهنغير المنهج”.
شاهد الفيديو…