علق الإعلامي وائل الإبراشي على خبر زيادة الإيرادات المحققة من هيئة السكك الحديدية خلال الفترة من 1/4/2019 حتى 7/4/2019، حيث زادت الإيرادات 8 ملايين جنيه في أسبوع واحد، وتحديدًا بعد تولي وزير النقل الفريق مهندس كامل الوزير الحقيبة الوزارية.
فأشار الإبراشي خلال حلقة الأمس من برنامج “كل يوم” قائلًا “إحنا قولنا قبل كده إن المواطن له حقوقه وله واجباته، حقوقه إنه يدخل سكة حديد آدمية، ويجلس على مقاعد سليمة، والأبواب والشبابيك سليمة، ولكن عشان ده يحصل في واجبات، أبسط الواجبات إنه يدفع ثمن التذكرة، تخيلوا إن تمن التذكرة لم يكن يتم دفعه”.
وتابع الإبراشي “صحيح في إنهيار حصل في سنوات ما بعد الثورة، وتأكل حصل في بعض المؤسسات، ولكن السكة الحديد الآن تستعيد وضعها المؤسسي بشكل كامل، زي ما عندك حقوق هيبقى عندك واجبات، وهي إنك تدفع ثمن التذكرة”.
وأضاف الإبراشي “لك أن تتخيل أن الفلوس دي كان بيتم دفعها منذ سنوات، عشان لما نقول عايزين سكة حديد آدمية ومتطورة وسليمة يبقى ده من حقك، إنما طول ما الناس بتحب التزويع وبيتعاملوا معاه على أنه شطارة، المسألة هتبقى سهله لو دفعنا أبط الواجبات”.
