أعرب الإعلامي عمرو أديب عن أمانيه للنادي الأهلي قبل مواجهة صن داونز الجنوب أفريقى فى إياب دور الثمانية لبطولة دورى أبطال أفريقيا والمحدد لها السادسة مساء على استاد برج العرب.
فعلق أديب قائلًا “مصر كلها وأنا أولهم واقفين ورا النادي الأهلي في موقعتهم القوية قدام صن داونز، كلنا مع روح الفانلة الحمرا، أكتر من 60 مليون مصري، واقفين ورا الأهلي في محطات التليفزيون وهما بيتابعوا”.
وتابع أديب “وإن شاء الله الأهلي لو مفازش، شكله كده هياخد الدوري، لأن بعد اللي عمله الزمالك قدام المصري، أنا ابتديت اقتنع بلعنة الفراعنة بتاعت زاهي حواسي إن في بردية بتقول إن الأهلي دايما بياخد الدوري، للأسف اللاعيبة بتاعتنا يوم ماتش المصري كانت تعبانة، بس أنا لسه عندي أمل”.
وأضاف أديب “الغرض إن ربنا يكرم النادي الأهلي ويعمل نتيجة كويسة، ويفرح جمهورهه، أنا متنكد من يوم ماتش المصري وحالتي صعبة، إنما المدرب بتاع المصري كان عايز يبعت لنا رسالة إننا كنت بدربكم قبل كده وكننت كويس، دايما الفصل ده بيتعمل مع الزمالك”.
شاهد الفيديو…
