بالفيديو| تعليق ناري من أحمد موسى على سقوط طالب في بلاعة المدرسة

بالفيديو| تعليق ناري من أحمد موسى على سقوط طالب في بلاعة المدرسة
الإعلامي احمد موسى

استنكر الإعلامي أحمد موسى ما حدث في الغربية حيث سقط الطالب محمد عمرو البهنسي بالصف الأول الابتدائى في بلاعة صرف داخل مدرسة بنوفر الابتدائية، وهو ما أدي إلى مصرع الطفل.

فعلق موسى قائلًا “خرج زي كل يوم عشان يتعلم، ولكن بدل ما يتعلم ويرجع لأهله، الواد يموت، يموت في المدرسة، أمر عجيب، ومش ممكن يحصل ولكن حصل، في المدرسة في بير بتاع الصرف الصحي، فالولد ماشي عادي، مهي مدرسته، ومش متخيل إن المدرسة فيها هذا الكم من الفساد والإهمال، والمسؤولين اللي فيها مش شايفين شغلهم، ولا عارفين إيه اللي حاصل في المدرسة”.

وتابع موسى هجومه قائلًا “فيقع محمد في البير ومحدش لحقه، لحقوه جثه، مات محمد في مدرسته، بدل ما اتعلم في المدرسة أموت في المدرسة، محمد ملحقش حتى أول حصة، فين مدير المدرسة والناظر والمشرف والإداري، محدش شاف إن مفيش غطا للبلاعة، ودي مدرسة مش بلاعة في الشارع، في مئات الطلبة، يعني لو محمد كان معاه حد من زمايله كانوا وقعوا معاه، منتهى الإهمال ، والإهمال فساد”.