علق الإعلامي عمرو أديب، على هزيمة النادي الأهلى بخماسية مذلة من مضيفه صن داونز الجنوب أفريقى، وذلك خلال حلقة الأمس من برنامج “الحكاية”.
فاستنكر أديب رد فعل الأهلاوية قائلًا “الأهلي اتهزم 5 صفر، إيه المشكلة إن الأهلي يتهزم 5 صفر، البرازيل اتغلبت 7 على أرضها وكانت من أهم الفرق في العالم وقتها، ده بيحصل، اللي بستغربله إن الأهلاوية بيرفضوا إننا نكلمهم”.
وتابع أديب “الرموز الأهلاوية لما اتغلبنا من نفس الفرقة دي 3 واحد قالولنا أبقوا تعالوا اسألونا نقولكم ماتشات أفريقيا بتتلعب إزاي، طب النهارده لما الأهلي اتغلب 5 مفيش مثلا دعابة ولا فيلم، مينفعش نقول لوائل جمعة اللي قالنا إن الأهلي دايمًا كعبة أعلى على صن داونز”.
وأضاف “يوم ما الزمالك بيتغلب بناخد كل حاجة بصدر رحب، إنما كلهم قفلوا التويتر بتاعهم، وبعدين إيه حكاية مصر بالأهلي، ليه دايما بنرفق الأهلي بمصر، ده نادي كرة عادي يتغلب جدا، إنتوا ليه مكبرين الحكاية ما تنزلوا لتحت شوية، دي كرة، هو جرى إيه يعني، ما تتغلب زي أي نادي، بناخد في صدرنا قد كده وأكتر”.
شاهد الفيديو…
