هاجم الإعلامي تامر أمين اتحاد الكرة المصرية بسبب ما حدث في مباراة الأهلي والزمالك الأخيرة، على استاد برج العرب.
فعلق أمين خلال حلقة الأمس من برنامج “أخر النهار” قائلًا “إحنا لعبنا ماتش الأهلي والزمالك في البحر، الناس كلها عمالة تلوم القائمين على استاد برج العرب، كانت فضيحة أه، بس مينفعش نلوم الجهات الخطأ”.
وتابع أمين “استاد برج العرب لو نفع يبقى لازم الأهلي والزمالك ومنتخب مصر واتحاد الكرة، لازم يدوله بطل الرياضة المصرية هذا الموسم، لأنه أكتر استاد تحمل واستضاف مباريات، وارضيته تعبت لما شبعت، مفيش استاد في العالم بيتلعب عليه ماتش كل يوم، استحمل ماتشات الأهلي والزمالك في الدوري، وأفريقيا، وماتشات المنتخب، لو كان بني آدم كان نطق وقال جاي، وفي الأخر الناس بتلوم الناس القائمين على استاد برج العرب، ده كتر خيرهم”.
وأضاف أمين “غلطة مين بقى اللي بيديروا كرة القدم في مصر، اتحاد كرة القدم المصري، وأنا مبخافش، كابتن سيف زاهر، مجدي عبد الغني، المهندس هاني أبو ريدة، وحام إمام وعصام عبد الفتاح، وسيف زاهر، وأحمد شوبير، ولجنة المسابقات برئاسة عامر حسين، عشان دي مباراة قمة الكرة المصرية”.
