زف الإعلامي عمرو أديب عدد من الأخبار الاقتصادية التي تعبر عن تحسن وضع مصر في الفترة الأخيرة، وذلك خلال حلقة الأمس من برنامج “الحكاية”، المذاع على قناة “أم بي سي مصر”.
فنقل أديب الأخبار قائلًا “شوية أخبار اقتصادية مبهجة، لأول مرة من أربع سنين صادرات مصر البترولية أكبر من واردتها في 6 شهور، يعني إحنا بنصدر منتجات بترولية أكثر من اللي بنستورده، يعني ابتديت تغطي وتصدر، وهذا أمر يبان في الأرقام، والموازنة والدخل، وهو أمر جيد جدًا وإيجابي جدًا، وأيضًا هبوط الدولار مؤشر جيد جدًا، وكمان حزمة التعديلات اللي حصلت في الأجور”.
وتابع أديب قائلًا “النهاردة في ناس بتقول إن الزيادات دي برضو مش قد التطور وزيادة الأسعار، بس بتتحسن، مفيش حد يقدر يحسن الاقتصاد في يوم وليلة، نحن نتطور ونتحسن، صندوق النقد الدولي بيطلع إنك من أحسن معدلات النمو ومن احسن الاقتصادات اللي هتظهر في الكام سنة الجاية، وإنك بتدفع الديون عليك”.
واضاف أديب قائلًا “وإيرادات مصر من السياحة تقفز 36% من النصف الأول من العام الجاري يعني قرب النص، مؤشر اقتصادي هام، دخل السياحة يمثل ما بين 10 و 11 % من دخلك القومي”.
شاهد الفيديو…
