كشف الإعلامي عمرو أديب، عن السبب الذي جعل أغلب أنوف التماثيل المصرية القديمة محطة، وذلك خلال حلقة الأمس من برنامج “الحكاية” المذاع على قناة “أم بي سي مصر”.
فعلق أديب قائلًا “أنا عندي اهتمام بالمساخيط، وكنت دايما أسأل هما ليه القدماء المصريين مناخيرهم مقطوعة ومقطوشة، تروح الأقصر أو أسوان، تلاقي تمثال عظيم ومناخيره مقطوشة ومتحطمة، أبو الهول نفسه كده، تلاقي التمثال جسمه كويس وصدره كويس بس المناخير محطمة”.
وتابع أديب “راجل في متحف بروكلين، عنده مجموعة من التماثيل المصرية، كل ما حد يجيلهيسال الحضارة دي عظيمة بس المناخير ليه مقطوشة، قال بعد بحث ودراسة، قال أصل القدماء المصريين، كانوا بيشوفوا إن الإنسان ممتش إلا لما بنقطش مناخيره، فلا يستطيع التنفس بعد كده”.
وأكمل “كانوا كل ما يجي حد هما غضبانين عليه يقطشوا مناخيره، فلو جه حاكم وكان غاضب على الحاكم اللي قبله يقطش مناخيره”.
وأضاف أديب “الناس بره عندهم جنان بينا وبالحضارة المصرية، وعندهم دراسة عن كثب وعن حب، لهذه الحضارة العظيمة، يا ترى الوزير أمنحت رع كان ممكن في عهده يلاقي الهرم فيه سخان يولع في الهرم كله، ولا حمامات عمال الهرم مقفولة، كانت بلد زي الساعة، بس كانوا بيقطشوا المناخير”.
شاهد الفيديو…