أشاد الإعلامي عمرو أديب بالشاب جهاد يوسف، بطل الزاوية الحمراء، الذي أطلق عليه رواد السوشيال ميديا “سوبر مان الزاوية الحمراء”، لأنه أنقذ أسرة كاملة من الحريق.
فعلق أديب خلال برنامج “الحكاية” قائلًا “شاب صغير في الزاوية الحمراء، لقى حريقة في الدور الثالث وناس بتصوت، طلع على الماسورة وكان في عائلة كاملة ونزلهم واحد واحد على كتفه، مجبش عيل واحد ونزل لا طلع تاني جاب عيل تاني، وهو جسمه صغير، وشال 3 عيال على جسمه”.
وتابع أديب “الحاجات دي لما بتتشاف بره الناس بتجيلها جنان، ويقولوا إيه العظمة دي، ناس كتير لما بتشوف حريقة بتقول أنا مالي وبتبعد، لحظات تاريخية، شكل الطفل المصري رامي شحاتة اللي العالم كله اتكلم عليه إمبارح لأنه قدر ينقذ 51 طفل، المصريين كده في المواقف اللي زي دي، تلاقي راجل دكر متربي، ينقذ ويدخل، ويعمل حاجة غير طبيعية، وغير معتادة”.
وأضاف “وفي ناس قاعدة في الدور الاول بتستقبل العيال وبطببهم، هو ده المواطن المصري الإيجابي اللي أنا بحبه اللي بيدينا أمل، ربنا يبارك للولد ولأهله اللي ربوه تربية محترمة”.
شاهد الفيديو…