أشاد الإعلامي أحمد موسى بالشاب جهاد يوسف زكي، وذلك عقب الدور البطولي الذي قام به، بإنقاذ 3 أطفال من حريق بالزاوية الحمراء، وذلك خلال حلقة الليلة من برنامج “على مسئوليتي” المذاع على قناة “صدى البلد” الفضائية.
فعلق موسى على الفيديو قائلًا “جهاد يوسف ذكي، شاب مصري من الزاوية الحمراء، أتمنى من اللواء خالد عبد العال يكرم الشاب ده، لأنه أنقذ حياة 3 أطفال شقتهم ولعت وطلع على المواسير أنقذهم”.
وتابع موسى “العيال كانوا هيموتوا، والشاب المحترم ده أنقذهم، بشكر أهلنا في الزاوية الحمراء، ربنا يحميك يا بني والله، ويديك الصحة، يا دولة يا محافظ يا رئيس حكومة، كرموا الشاب ده، بشكرك باسم مصر كلها، لأنك أنقذت عيلة بحالها”.
وأضاف موسى قائلًا “حمد الله على سلامة الأطفال اللي ربنا نجاهم عشان في شباب شكل ده، دول شباب مصر، ويخلينا نطمن على مصر ومنخفش عليها، طالما فيها شباب شكل ده، كان هيبقى عندنا مأساة لولا الشباب دول، بحيي الشباب دي وبتمنى تكريم هذا الشاب”.
شاهد الفيديو..