روى الطفل المصري رامي شحاتة، الذي يعيش في إيطاليا وأنقذ العشرات من زملائه من الخطف بعد تمكنه من الاتصال بوالده والشرطة، تفاصيل ما حدث وكيف أنقذ 51 طفلًا من الموت.
فتحدث رامي خلال مكاملة هاتفية مع الإعلامي عمرو أديب في برنامج الحكاية قائلًا “إحنا كنا راجعين من حصة الألعاب، كل يوم أربعاء بتكون في ملاعب في مكان تاني، الأتوبيس جه متأخر، أول ما طلعت الأتوبيس لاحظت إن مفيش الشواكيش اللي بتكسر الزجاج وقت الحريق”.
وتابع رامي “أول حاجة شخط فينا كلنا وقال أقعدوا ساكتين، وطلع السكينة، وربط المدرسيين، وطالبت من أصحابي إننا نزعق مع بعض، وربط بعض الطلاب، وقالنا هاتوا التليفونات، وأنا مسلمتش تليفوني، كلمت البوليس أول مرة وبعد كده اتصلت مع بابا، وبابا تواصل معاهم للتأكد من صحة كلامي”.
وأكمل رامي “والسواق مخدش باله مني، لأني طلبت من أصحابي يداروا عليا، البوليس قالي متقلقش إحنا جايين، والسيارات التابعة للشرطة جت في الوقت الصح”.
وأضاف “هو طلع فوق عربية البوليس، وكانوا عايزين يضربوا نار وطلبنا منهم ميضربوش لأنه كان رامي بنزين على الأرض، وهو كان عايز الأتوبيس يروح المطار ويحرق الأتوبيس بينا في المطار، وتمكنوا من القبض عليه، وكلبشوه، وبعدونا عن الأتوبيس لأنه كان هيفرقع”.
شاهد الفيديو…