علق الإعلامي عمرو أديب على خبر هبوط سعر الدولار الأمريكي بقيمة 6 قروش أمام الجنيه المصري في منتصف تعاملات أمس الاثنين 18-3-2019 داخل السوق المصري، في غالبية البنوك المصرية.
فطرح أديب عدد من التساؤلات خلال حلقة الأمس من برنامج “الحكاية قائلًا “نحن اليوم نشهد أقل سعر للدولار قدام الجنية في سنتين، هتسألني السؤال التقليدي، وأنت شايفه هيفضل ينزل، أنا معرفش، السؤال اللي يهم الناس، دي دولة بتستورد 70% من حاجتها، والدولار أنخفض 58 قرش من أول 2019، يبقى لماذا لا تنخفض السلع”.
وتابع أديب قائلًا “استيرادنا من أمريكا في الشهر اللي فات زاد بنسبة 50% عن الشهر اللي زيه السنة اللي فاتت، ويتحدثون عن رقم قرب نصف مليار دولار، الحاجات دي لما كنا بنستوردها بالدولار أبو 17.90، له منزلتش مع نزول سعر الدولار إلى 17.30”.
وأضاف أديب “التجار لما الدولار يرتفع قرشين بيقولوا يا باشا ده طالع إمبارح، ولما ينزل 58 قرش يقولوا يا باشا على ما يسمع في السوق، يجب أن الإصلاح الاقتصادي يبدأ من هنا”.
شاهد الفيديو..
