بالفيديو| ريهام سعيد توضح حقيقة صورتها السيلفي في حادث قطار محطة مصر

بالفيديو| ريهام سعيد توضح حقيقة صورتها السيلفي في حادث قطار محطة مصر

أوضحت الإعلامية ريهام سعيد حقيقة صورتها السيلفي في حادث قطار محطة مصر، والتي استقبلت بسببها هجوم شديد منذ وقوع الحادث المأسوي، وخاصة بعد حلقة الشاب صاحب الصورة السيلفي الذي استضافته ووجهت له الانتقادات.

فعلقت ريهام خلال حلقة الأمس من برنامج “صبايا” المذاع على قناة “الحياة” الفضائية قائلة “موضوع السوشيال ميديا ده بقى خالف تعرف، بقى هو المتنفس الوحيد للي عايز يشتم واللي عايز يقل أدبه، واللي عايز يعارض”.

وتابعت ريهام قائلة “الولد اللي طلع معانا صاحب صورة السيلفي وقت حادث محطة مصر، كان بيشتكي إن كل الدنيا أهانته وكل الدنيا شتمته، وكل الدنيا أضايقت منه، وأنا لما عملت معاه لقاء وكنت مضايقة منه، قالوا ده غلبان وبصوا عملت فيه إيه”.

وأضافت ريهام ردًا على صورتها السيلفي “وفجأة طلعوا ليا صورة على الانترنت بيقولوا شوفوا ده هي نفسها بتتصور سيلفي والكدابة المنافقة بتتصور وسط الكوارث، أنا لما بشتغل بشتغل طول الوقت مش بقعد كده، وبعدين مفيش أي شبه بيني وبين اللي في الصورة دي”.

شاهد الفيديو…