بالفيديو| السيسي: “مرتبات الجيش والشرطة متواضعة.. ومحدش طلب زيادة”.. وهما اللي بيدفعوا التمن عشان احنا نعيش

بالفيديو| السيسي: “مرتبات الجيش والشرطة متواضعة.. ومحدش طلب زيادة”.. وهما اللي بيدفعوا التمن عشان احنا نعيش

خلال حضوره احتفالية يوم الشهيد التي نظمتها القوات المسلحة في مركز المنارة، اليوم السبت، بحضور مسئولي الدولة ورجال القوات المسلحة والشرطة المصرية، قال الرئيس عبدالفتاح السيسي رئيس الجمهورية: “أنا موجود معاكم النهارده عشان أخد الشرف، وياريت أقدر أعمل أي حاجة لأسرة كل شهيد، ربنا يجمعنا بيهم في مستقر رحمته، ويكون لينا نصيب نبقى معاهم في المقام العالي اللي يستحقوه، قدموا أرواحهم لاجل خاطر بلدنا، وعشان نعيش في سلام”.

جاء ذلك خلال كلمة الرئيس في احتفالية يوم الشهيد، مضيفًا:

“في كل لقاء لما بتكلم واسأل أهلي وناسي مش عاوزين حاجة، الإجابة عجيبة، بس صحيح هو بعد اللي قدم ابنه ولا زوجها أنا هديها إيه؟، مش هقدر أدي حاجة ومهما عطيت ميساويش حاجة جنب اللي قدموه لبلدنا، وكل الشهداء عسكريين أو مدنيين، تمن كبير دفعوه عشان نعيش في سلام”.

والرئيس يتحدث عن موقف الجيش والشرطة من المرتبات

كما أشار رئيس الجمهورية إلى أنا رجال القوات المسلحة المصرية لم يطالبوا يومًا بزيادة مرتباتهم، مردفًا:

“إحنا بندي الجيش والشرطة مرتبات، عمرهم ما قالوا عاوزين فلوس أو مش هنكمل إلا لو ادتنا، لا حصلت ولا هتحصل، ومرتبات الجيش أو الشرطة لو قلتلكم الأرقام هتستغربوا أوي، لأنّها أرقام متواضعة، ومحدش طلب زيادة وقال بنقدم أرواحنا وسايبين ولادنا، محدش قال كدا”.

ويشهد الرئيس عبدالفتاح السيسي، اليوم، الندوة التثقيفي التي تنظمها القوات المسلحة في مركز المنارة، احتفالا بيوم الشهيد، وتتضمن الندوة عرض فيلم عن الشهداء، وتكريم عدد من المصابين وأسر الشهداء.