علق الإعلامي وائل الإبراشي على قائمة منتخب مصر الذي ستشارك فى كأس العالم 2018 بروسيا، والتى أعلنها الأرجنتيني هيكتور كور قائلًا “واضح إنه مش عايز يغامر أو يخرج عن هذه الدائرة أو أن يفكر خارج النطاق الذي يلعب به طيلة السنوات الماضية، لم نستفيد من المباريات الودية في اختيار أسماء جديدة”.
ومن جانبه سخر الكابتن رضا عبد العال، لاعب الأهلي والزمالك ومنتخب مصر الأسبق من من قائمة منتخب مصر الذي ستشارك فى كأس العالم 2018 بروسيا، والتى أعلنها الأرجنتيني هيكتور كوبر قائلًا”هو اللي حصل ميجبش إحباط، هو إحنا رايحين دورة رمضانية، رايحين كاس عالم، أكبر بطولة في التاريخ، أخد لاعيبة مش بتلعب في أنديتها”.
وأضاف عبد العال “ده يرضي ربنا، الاختيارات دي لو إحنا بنلعب في القرى، عواد أحسن حارس في الثلاثة اللي خدهم وفقًا لكل الإحصائيات، واخد شريف إكرامي والشناوي يعملوا إيه”.
وتابع عبد العال قائلًا “الاختيارات الثانية كل واحد بيحب واحد جابه، المسألة تخضع للمجاملات، فين حسين الشحات، فين عمرو مرعي اللي مكسر الدنيا في النجم الساحلي، فين صالح جمعة، معندناش حد بيقف على الكرة ولا حد بيباصي كرة، ده فرحان إن محمد صلاح متصاب عشان ميهاجمش”.
شاهد الفيديو…