علق الإعلامي عمرو أديب على وفاة الروائي أحمد خالد توفيق قائلًا “السوشيال ميديا كلها اتشحت بالسواد لوفاة الروائي أحمد خالد توفيق، وهكون ريح معاكم أنا معرفهوش، وعلى فكرة في ناس كتير بتحب تتدعي، انا أسف إني معرفهوش، أنا مش من قرائه، ولكن بالأمس شباب كثيرين في مصر كانوا عاملين جنازة عشانه على السوشيال ميديا”.
وتابع خلال برنامجه “كل يوم” المذاع على قناة “ONE” قائلًا ” له مريدين من الشباب بكثرة، وكان مؤثرًا جدًا في هذه الأوساط، لازم ندرس الشباب بتقرأ إيه، وكيف يفكر الشباب مثل الأولتراس، وليه حالة الحزن اللي خلت الراجل ده يبقى نمرة واحدة تريند في مصر ليه”.
وأضاف أديب “جيل الشباب هو المؤثر في الأعوام القادمة، هو اللي هيحكم غصب عنا، وهو الجيل اللي جي، لازم نفكر بأسلوبهم، ونعرف إيه هي الروايات اللي بيقروها، لازم علماء النفس وعلماء الاجتماع يدرسوا طبيعة الشباب دي عشان نعرف هو عايز إيه وبيقرأ إيه، أنا انبهرت بإعجابهم بأحمد خالد توفيق”.
شاهد الفيديو..