رد المستشار مرتضى منصور، رئيس نادي الزمالك، المرشح المحتمل للانتخابات الرئاسية، عل هجوم الكابتن إبراهيم وحسام حسن.
فقال “منصور” حواره مع الإعلامية بسمة وهبة ببرنامج “هنا القاهرة” المذاع على قناة “القاهرة والناس” مساء أمس الثلاثاء : لو زعلانين يطقوا، دول عيال صايعة، هاتيلي حد متخانقوش معاه في مصر.
وتابع رئيس نادي الزمالك هجومه قائلًا : دول خاطفين بلد محترمة اسمها بورسعيد، هما مش عارفين قيمتها، دي مدينة باسلة تصدت لإسرائيل، بلد اتعمل عنها أفلام، من ساعة ما مسكوا النادي وخراب حصل له وللبلد بحالها.
وأكمل “منصور” قائلا : كانوا بيلعبوا في الإسماعلية ضربوا عسكري غلبان، وأنا طلعتهم، وأنا حسام بركتله على العروسة الجديدة اللي في إسكندرية، أنا مبردش على عيال قلالات الأدب، إبراهيم حسن حاول يجي يبلطج عند بيتي واتضرب.
وأضاف “منصور” قائلًا :وأنا كما مرشح رئاسي في حالة فوزي هعتقلهم، ولن أفتح معهم صفحة جديدة، لأن دي مبادئ وأخلاقي وكل الناس عارفاني، واللي عايز ينتخبني على كده أهلًا وسهلا واللي مش عايز براحته.
شاهد الفيديو..