وزير التربية والتعليم يعلن موعد بدء العام الدراسي الجديد 2015/2016
وزير التربية والتعليم محب الرافعي2

كل عام وأنتم بخير …أستعداداً للعام الدراسي الجديد 2015/2016 والذي سوف يتزامن مع عيد الأضحى المبارك أعلن وزير التربية والتعليم الدكتور محب الرافعي في تصرحات صحفية له اليوم عن موعد بدء الدراسة للعام الدراسي الجديد 2015/2016.

واشار وزير التربية والتعليم في تصريحاته إلى أن المجلس الأعلي للتعليم قبل الجامعي سوف يعقد اجتماعه خلال الأيام القادمة من أجل مناقشة العديد من الأمور الخاصة بوضع الخريطة الزمنية للعام الدراسي 2015/2016 وكذلك تحديد الموعد النهائي لبدء العام الدراسي الجديد.

وأضاف وزير التربية والتعليم أنه من المتوقع أن يتم بدء العام الدراسي الجديد 2015/2016 يوم السبت الموافق 26 سبتمبر المقبل وذلك عقب إجازة عيد الأضحي مباشرة.

وعن أخر أخبار تظلمات طلاب الثانوية العامة من نتائجهم فقد أعلن الأستاذ محمد سعد رئيس الإدارة المركزية للتعليم الثانوي ورئيس عام امتحانات الثانوية العامة أن جميع لجان النظام والمراقبة على مستوى الجمهورية مازالت مستمرة في استقبال تظلمات طلاب شهادة الثانوية العامة والمتضررين من نتائجهم حيث وصل عدد المتظلمين من طلاب الثانوية العامة حتى الآن ما يقرب من 57916 طالب وطالبة، وتعتبر مادة اللغة العربية من أكثر المواد التي تقدم الطلاب بالتظلم من نتائجها.

تحديث يوم الأربعاء الموافق 5 أغسطس 2015

فقد أعلن الدكتور عماد الوسيمي رئيس قطاع التعليم العام بوزارة التربية والتعليم أن الاجتماع الذي سيعقده المجلس الأعلي للتعليم قبل الجامعي برئاسة وزير التربية والتعليم الدكتور محب الرافعي سوف يناقش موعدين لبدء الدراسة وهما يوم 12 سبتمبر 2015 أي قبل عيد الأضحي المبارك أو بعد إجازة عيد الأضحي المبارك.

تابعنا على المواقع الاجتماعية ليصلك الجديد أولا بأول

التعليقات

  1. العيد الاضحي اربع ايام الوزير كده هيخلي العيد ثلاثه ايام علشان عايز يبدأ الدراسه رابع يوم العيد المفروص الدراسه تبدأ اول الشهر … شكرآ

  2. ياريت تكون رابع يوم العيد زهقنا من قعدت البيت كفايه اجازه بقى احنا مش عايزين اجازه تانى
    وشكرا

  3. الرحمه يا وزير التربيه والتعليم انزل من مكتبك وشوف المدرسين بيعملو ايه فى اولياء امور التلاميذ . بيمصو دمهم والله تحت شعار لازم ولادكم يخدو دروس خصوصيه والا هيسقطو فى اعمال السنه ده غير الاضهاط داخل الفصول هنجيب منين نعلم ولادنا .ارحمو من فى الارض يرحمكم من فى السماء

  4. مش مهم المدارس تبدا امتا المهم المدرسين هيصحوا ضمرهم امتا مفيش شرح اصلا في المدارس ما كلوا معتمد عالدروس الخصوصية والله حرام نلاحق مصاريف دروس والامصاريف للعيد والامصاريف للبيت
    اوالاولاد والشركات اصلا واقفة يعني احنا عايشين عشان نتذل مش عشان نتعلم مصر للاغنياع فقط عليه العوض ياريت حد يشاركني الرد يمكن اكون غلطانة

  5. تحية طيبة وبعد سيد الوزير محب الرفاعى كيف تكون المدارس 26 سبتمبر كده سيبقى ثلاث ايام ازاى فعلن احنا طولنا فى الاجاز بس مش معنا كده تخلى العيد ثلاث ايام لازم تبقى بعد عيد الاضحى حتى الناس تترتاح اذى كانت مسافره وكل عام وانت بخير وشكرا

  6. بصراحة انا موافقة جداااا علي الميعاد ده وياريت كمان يبقي قبل العيد كفاية اجازة كدة بقا

  7. سياده الوزير. المعلم. هو قدوتنا و هو المناره التي ترشدنا الى الطريق الصحيح فلابد من النظره المتأنيه للناحيه الماديه له مع الاخذ في الاعتبار لما مرت به مصر من ظروف فنعم الخلق معلم مصرنا الحبيبه

  8. المشكلة ان الطلاب بتغيب من المدرسة و كل مشكلة ليها سبب و نتيجه و المفروض نعالج السبب اللي هو أن المدرسين ماعندهومش ضمير خالص يبقى لازم نضع حد لهذا السبب عشان محصلش المشكلة ديه و لا حتى النتيجة اللي هي الدروس الخصوصية و انا اقترح انه يتم توظيف المدرسين اللي في المعاهد في المدارس بأجر عالي عشان نحسن التعليم

    1. مش كلهم بس معظمهم لان مرتبات المعلمين ضئيلة يعنى معلم عنده 45 سنة يقبض 2300 فى الشهر حيصرف علي مين و فى برده مشكلة الطلاب نفسهم اللى يهين المعلم و يخرب اثاث المدرسة من دسكات و حيطان و غيرها و بعدين يعنى فالمشكلة مشكلة اخلاق طلاب و 70 فى المئة منهم مش متربى و مش مخلص لوطنه و 93 فى المئة من الطلاب بيغش و المشكلة الثانية المرتبات فالعملية بايظة من كل الجوانب

  9. دى خسارة لمدرسين الدروس الخصوصية-اللى المفروض نولع فيهم زى ماهم حارقين قلبنا -مش دة لازم يشغلن موضوع الدروس اكثر من موعد بدء الدراسة ولا الموضوع مش مستاهل

  10. ده مش كلام يا سيادة الوزير ازاى نبدأ دراسة رابع يوم العيد المفروض نبدأ اول شهر اكتوبر

  11. بجد حسبى الله ونعم الوكيل التصحيح فى الثانوية العامة وحش وتظلمات وتسريب امتحانات ربنا ينتقم منك يارب وكانو بيصححوا والنو قاطع
    بجد ربنا ينتقم منك

  12. يا سيادة الوريزانت جى على نفسك قوي خليها بعد 6 اكتوبر انا راضى ذمتك ده اسمه تعليم السنة الدراسية 5 اشهر والاجازة 7 اشهر وبيقول بنصلح التعليم عليه العوض العالم كله حيبدا الدراسه فى اول شهر 9 واحنا 7 الاف سنة حضارة ما ينفعش نبدا كده طبعا الناس دى متخلفة لا اصلاح للتعليم طالما فى مثل هذه العقليات وشكرا للاصلاح بس فى طلب اخير التعليم من غير الحشو طعمه وحش ولو شويه حشو حيبقي حاجة على كيفك

  13. هو التنسيق الثانوى العام فى المدرس ادراه شرق شبرا الخيمه التنسيق ملهوش مرحله تانيه
    الثانوى العام

  14. ارجوك الدراسه متباقش رابع ايام العيد ممكن حته نبدء الدراسه بعديها 3 ايام ارجوك

    1. اريد معرفت موعيد دخول المدرس الابتدائية والاعدادية
      ماشي حاضر هنحاول

اترك تعليقاً

لن يتم نشر عنوان بريدك الإلكتروني.