المحتوى المحظور من ادسنس

– النصوص الجنسية والالفاظ البذيئة .. اي شتايم او كلام بذيء او عبارات زي (للكبار فقط) او (18+) .. وده بيبقى للمواضيع والتعليقات .. فمهم اننا منقبلش التعليقات اللي فيها الفاظ خارجة .. نزود عليهم برضه عناوين فيديوهات اليوتيوب اللي بنعملها ادراج في المواضيع
– المواضيع اللي فيها تعصب وعنصرية او تحض على الكراهية ضد افراد او جماعات او منظمة … مينفعش مثلا نعمل مواضيع سخرية او اساءة او تحقير او تحريض ضد الاخوان او بتوع السيسي او قطر او الملحدين او المثليين
– مواضيع فيها نصائح جنسية او نصائح للحمل او الولادة او تنظيم الاسرة … يعني فيديوهات هبة قطب متنفعش عندنا
– اي مواضيع فيها قرصنة او اختراق او برامج ضارة + اي برنامج معاه كراك او سيريال
– لينكات البرامج او التطبيقات او الفيديوهات او ملفات ال pdf لازم تكون مرفوعة على المواقع الكبيرة المضمونة .. (يوتيوب – slideshare – google docs – google play – itunes) + المواقع الرسمية للبرامج …. ممنوع روابط لمواقع تحميل اي برنامج زي mediafire طالما فيه رابط تحميل للبرنامج على موقعه الرسمي او على موقع download.com
– اي حاجة بتساعد على الاختراق او فك الشفرات .. برامج كشف باسورد ال wifi – اضافات لمنع الاعلانات من المتصفح – منع الاعلانات من اليوتيوب – تحميل فيديوهات اليوتيوب – فك شفرات الريسيفر
– اي حاجة فيها عنف ما عدا المصارعة الا اذا كان المصارعة فيها صور حوادث او اصابات خطيرة …. الممنوع صور او فيديوهات تحتوي على (تكسير العظام – صدم قطارات/سيارات لأشخاص – التعرض لأضرار وإصابات أخرى خطيرة – المواقع المخصصة لمقاطع الفيديو القتالية – المواقع التي تحتوي على مقاطع فيديو أو صور ملطخة بالدماء) .. صور ملخطة بالدماء مقصود بيها الحاجات ال gory اللي هي حاجات بشعة مش مجرد صور دم مسكوب على الارض وخلاص .. بس يستحسن برضه نمنع اي صور فيها دم
– يجب أن يتم فحص الصور المدرجة بالمواضيع + الفيديوهات بعناية والتأكد ان مفيش فيها اي عنف  .. لازم يتم مشاهدة الفيديو من اوله لاخره للتأكد ان مفيش لقطة فيه فيها عنف .. مثال: احدى حلقات ريهام سعيد كانت لمدة ساعة كاملة وكان فيها لقطة لجثة لمدة 3 ثواني .. وجوجل اعتبر الموضوع مخالف
– يجب أيضا التأكد من عدم وجود العبارة دي في اي فيديو يتم تضمينه في الموقع

– الترويج لصور الاسلحة واسعارها واماكن بيعها
– الترويج للسلع المقلدة واللي بتستخدم نفس شعار السلع الاصلية .. دي حاجة لازم ينتبه ليها الناس اللي بيعملوا مواضيع عروض ومنتجات .. يتأكدوا ان السلع المعروضة مش تقليد
– مواضيع حلول الامتحانات الدراسية .. يعني لو فيه امتحان اتسرب او امتحان معروف اسئلته ممنوع نشر اجاباته .. او المقالات الجاهزة زي مواضيع تعبير جاهزة … دي حاجات لازم نخلي بالنا منها واحنا بننزل اجابات جاهزة واجابات نموذجية للثانوية العامة

اليوتيوب