بالفيديو| طبيب الغلابة يعلق على ملابس تكريمه: أنا عندي لبس حلو أوي للفسح وده لبس الشغل

بالفيديو| طبيب الغلابة يعلق على ملابس تكريمه: أنا عندي لبس حلو أوي للفسح وده لبس الشغل

استنكر الدكتور محمد مشالي، الشهير بطبيب الغلابة في طنطا الانتقادات التي تعرض لها بسبب ملابسه أثناء تكريمه، وذلك خلال مداخلة هاتفية مع الإعلامي سيد علي، على قناة “الحدث اليوم”.

حيث طرح عليه الإعلامي سيد علي سؤال قائلا “ليه الدكتور مشالي مش بيهتم بمظهره وشكله أوي، والناس قالوا مش بيلبس  بدلة وكرفته؟”.

فعلق دكتور محمد مشالي قائلا “ده لبس الشغل يا بيه، هما جم خدوني من العيادة بلبس الشغل، مدونيش فرصة أروح البيت وألبس بدلة وكده، أنا معنديش وق للمظاهر الكذابة دي، المهم عندي الجوهر، ده لبس الشغل، وعندي لبس حلو أوي للفسح والأفراح والمناسبات الطيبة”.

وأردف مشالي قائلا “ده لبس الشغل لأني في العيادة معرض للبهدلة واشرف على النظافة بنفسي، واحلل بنفسي، زي الميكانيكي اللي بيلبس لبس الشغل، المهم عندي الجوهر”.

وأضاف مشالي قائلا “نسأل شباب الأطباء الرحمة والرأفة بالمرضى المساكين، ومتبقاش المادة هي ادافع الاساسي لهم في العمل، وان يكن له وقت للكشف على المرضى الغلابة، وللأسف المستشفيات الحكومية إمكانيتها محدودة، ومفيش أمام المريض إلا أنه يلجأ لها”.