كشف الإعلامي تامر أمين تفاصيل زيارة سجن برج العرب هو وعددًا من أعضاء مجلس النواب، وعددا من الإعلاميين والشخصيات العامة، وممثلين عن منظمات دولية.
فعلق أمين خلال حلقة الأمس من برنامج “أخر النهار” المذاع على قناة “النهار” قائلا “أنا شفت بعيني محدش قالي، وبقولكم بالفم المليان سجن ولا كلمة، والله العظيم يمين أحاسب عليه يوم القيامة مش عايز أقولكم كلام يتاخد في السوشيال ميديا، سجن الواحد يحب يروح يقعد 48 ساعة فيه”.
وتابع أمين قائلا “والله العلي العظيم ولا ملاحظة، سواء من حيث العنابر أو المستشفى أو الملاعب، ده سجن حواليه خضرا وشجر ونجيله في كل مكان”.
وأردف أمين قائلا “في السجن ملعب كرة وملعب تنس، ونجيله، ومستشفى بها أجهزة ب 100 مليون جني”.
واستطرد أمين ” فيما يتعلق بالأكل أنا دخلت الفرن بتاع العيش، والله العظيم العيش الحلو الجميل المرحرح ده موجود في السجن لدرجة إني مديت أيدي وكلت واحد سخن من حلاوته”.
وأضاف أمين قائلا “أه في شواية في السجن، وفي كفتة في السجن، وكل يوم في صنف لحمة أو فراخ في وجبة الغداء، ومساجين التحقيق الاحتياط عندهم الكانتين اللي أي حد بفلوسه يقدر يطلب اللي هو عايزة كباب وكفتة أو لحمة أ سمك وجمبري”.
شاهد الفيديو…