أعرب هديل ماجد، إحدى المكرمات في المؤتمر الوطني السابع للشباب، والتي غنت أمام الرئيس السيسي أغنية “وقف الخلق”، عن سعادتها بلقاء الرئيس والغناء أمامه، وذلك خلال مداخلة هاتفية مع الإعلامي تامر أمين.
وعلق أمين قائلًا “إيه الصوت الحلو ده والله صوتك حلو مش مجاملة، أول ما مسكتي المايك قولت هتتمنظر، بس لما غنيتي صوتك حلو وماشة مع النوتة صح، وإحساسك بالكلمات وصلني شخصيًا”.
وروت هديل قائلة “أنا كنت بقول للرئيس قصة نجاحي، وبعدين لسه كنت هسلم عليه، طلبت منه إني أغني، وقالي ده أنا اللي نفسي أسمع صوتك، دي كانت أمنية ودعيت ربنا كتير جدًا إني أغني قدام الرئيس وأسلم عليه”.
وتابعت “نفسي أكون سفيرة لمصر في العالم كله في الغناء، وبغني بلغات كتير، بغني بالياباني والصيني، وأنا بعلم نفسي بنفسي، بحفظ سماعي”
وغنت هديل ماجد بالياباني، وعلق تامر أمين قائلًا “طبعا أنا مش فاهم ولا كلمة، بس وصلني الحالة وفاهم الإحساس واللحن”، وردت هديل قائلة ” أنا نفسي أشرف مصر كلها في الخارج، نفسي أشرف مصر بره بلدي، في مجال الغناء”.