تعتبر الثانوية العامة هي أخر مرحلة من مراحل التعليم الأساسي التي يجتازها الطالب، وبعدها يتبع لكيان أخر مختلف عن ذي قبل، حيث يكون قادرا علي المعرفة والإضافة بنفسه ولمجتمعه، إليكم أخر مراجعة في منهج اللغة العربية بامتحانات الثانوية العامة أخر العام، للشهادة الثانوية بالعام الدراسي 2018 – 2019، كما يمكن لجميع الطلاب والطالبات مراجعة هذه المذكرة وسوف ننشر لكم قبل الامتحانات المراجعات النهائية للثانوية العامة 2019، يمكن أيضا معرفة جدول امتحانات الصف الثالث الثانوي 2019.
“المراجعة النهائية” في اللغة العربية للصف الثالث الثانوى 2019
“المراجعة النهائية” في اللغة العربية للصف الثالث الثانوى 2019
مراجعات سابقة.. وإليكم أقوي مراجعات في ليلة الامتحانات لطلاب الثانوية العامة في مادة اللغة العربية، وهي كالتالي:-
1 – قراءة قطعة النحو بعناية؛ لأن الإعراب مبني على المعنى.
2 – ضع دائرة حول الأفعال الموجودة بالقطعة ( أي فعل تشوفه ضع دائرة بالرصاص) وأوعي تنسى الأفعال (عسى- ليس- نعم- بئس- كاد) مش عارف ليه بتنسوهم وبتستحقروهم وكأنهم مش من الأفعال… هو عشان ( عسى – ليس – نعم – بئس ) أفعال ماضية جامدة نطنشهم؟؟؟؟؟؟؟ ما أجمل السماء…….أجمل………. يا حبيب قلبي فعل ماض للتعجب وليس اسم تفضيل….. أعظم بالنيل ( أعظم ) فعل ماض.
3 – ضع خطين تحت الكلمات المبدوءة بميم (عشان المشتقات المختلفة) ولا تعتبر الألف واللام موجودة ومش مهم لو كانت الكلمة جمع أو مثنى أو مؤنثة وتخلى بالك من الكلمة اللى بعد المشتقات اسم الفاعل واسم المفعول وصيغة المبالغة في الأغلب ها تكون معمول هذه المشتقات
4 – حبيب قلبي لما تشوف جار ومجرور خبية بصباعك وشوف ترتيب الجملة عشان التقديم والتأخير، وفي الأغلب بيكون المبتدأ بعده مؤخر، وده ها يكون سؤال أكيد في الإعراب السنة ديه، وكمان الحتة ديه مهمة في النصوص والبلاغة عشان أسلوب القصر اللي بيفيد التخصيص والتوكيد يعنى بالحركة ديه ها تضرب بيها 3 عصافير بحجر واحد…… ( أتعلموها بقى )
5 – لما يسألك هات اسم مفعول واذكر فعله خصيمك النبي يا شيخ متنساش إن اسم المفعول بيجى من الفعل المبنى للمجهول، يعنى تضم أوله وتكسر ما قبل آخره ولو مضارع تضم أوله وتفتح ما قبل آخره، ولو اسم المفعول من فعل فوق ثلاثي تجيب الفعل من غير الثلاثي.
6 – ساعات بيتخابث عليك، ويقولك: هات حرف ناسخ وأعرب اسمه وحضرتك تدور على الحروف الناسخة ومش بتلاقي وتنسى (لا النافية للجنس) اللي بتعمل بشروط، فخليك واعي، ومتخلهوش يتخابث عليك.
7 – اصحي كده وركز معايا، لما يطلب منك توكيد فعل ماض في أسلوب قسم تضع قبله قد أو لقد
والله قد نجح المجتهد- والله لقد نجح المجتهد8- في الإعراب لما يجيبلك كلمة مجرورة أوعي تقع في الفخ، وتعربها مجرورة بالكسرة؛ لأنها في الأغلب هاتكون صيغة منتهى الجموع، ونكرة، وبكده ها تبقى مجرورة بالفتحة.
9- لما تشوف كلمة آخرها ألف المنصوب مثل ( كثيرا – جميعا – معا – جدا – خلقا) شغل مخك وفكر في المنصوبات، وبلاش تعمل نحو جديد وتقول إنها مرفوعة أو مجرورة، هي كده برسمتها هتبقى من المنصوبات، خلى السلاح صاحي وشغل الفهامة شوية.
10- هتلاقي كلمة إعرابها مفعول لأجله- إن شاء الله- في الامتحان اللي جاي، وعشان تتأكد اسأل لماذا؟؟ وهتلاقي جار ومجرور بعد المفعول لأجله.
11- لما يقولك ضع عسى مكان ليت ياريت تصحى كدة، وتوحد ربنا وما تنساش إن الجملة اللي بعد عسى هيبقى اسمها، وطبعا خبرها ها يكون جملة فعلية، فعلها مضارع مقترن بأن، ولو الفعل من الأفعال الخمسة تحذف النون يا باشا.
12 – روح يا شيخ ربنا يوعدك بزيارة النبي، لما يطلب منك تحذف الفاء أو سوف من أسلوب شرط، ها يكون الفعل بعدها مجزوم لو مضارع؛ لأنه فعل جواب الشرط…. ولو بيطلب منك تحذف الفاء وتصلح الجملة، الفعل مش ها يكون مجزوم.
ستبدأ صباح اليوم الأحد امتحانات الثانوية العامة في كل محافظات الجمهورية، وستنتهي في 24 من الشهر الجاري.