نفذت وزارة الداخلية صباح اليوم الخميس، حكم الإعدام علي الإرهابي عادل حباره، علي خلفية اتهامه بقتل 25 مجندًا في سيناء، كما تم تسليم جثته منذ قليل إلي أسرته من أمام مشرحة زينهم.
اقرا أيضا :
النص الكامل للمكالمة التليفونية تسببت في إعدام عادل حباره
هذه المكالمة التي أجراها عادل حباره مع أبو عمر الدمياطي الذراع الأيمن لأبو بكر البغدادي، زعيم تنظيم “داعش” الإرهابي في العراق والشام، تعرف علي تفاصيلها:
حباره: السلام عليكم
الدمياطي: عليكم السلام ورحمة الله وبركاته مولانا
حباره: أيوه يا حبيبي أيوه
الدمياطي: فينك يا مولانا.. أنا كل ما أكلمك تعمل معايا كده والخط يقطع.. كلمتك على الشبكة بردوا مبتردش عليا
حباره: مش أنا اللي بعمل الشبكة هي اللي بتعمل أعملك إيه.. أخبارك إيه يا حبيبي.. يا عم أنا هفرتكلك كل الشبكات اللي هنا مخصوص علشان خاطرك.. أنت أخبارك إيه؟
الدمياطي: شغال بالـtnt وشغال بالتفخيخ وكلوا
حباره: الله المستعان ربك ييسر الخير.. المهم طمني عليك.. طمني عليك
الدمياطي: أنا تمام يا عم الشيخ.. نفسى أتكلم معاك يا عم الشيخ.. مش عارفين نتكلم معاك
حباره: ربنا يحفظك يا عموره أقسم بالله واحشني
الدمياطي: أنت أكتر يا عم الشيخ.. ربنا يباركلك يا رب.. أبو صهيب كان بيكلمنى النهارده وبيقولى ممكن يجيلنا يقعد أسبوعين هنا يتدرب ومش عارف بس أنا عاوز أتكلم معاك كلمتين الأول
حباره: أتفضل قول
الدمياطي: دلوقتى الشيخ أبو بكر البغدادي كنت قاعد معاه وكنت قاعد مع الشيخ عمر الشيشانى، وهما عاوزين يفتحوا شغل ويدعموا الشباب اللي عندكم
حباره: طب يا عم ياريت أقسم بالله
الدمياطي: اسمع يا عم الشيخ هو إداني 10 آلاف دولار، وقالي أتواصل مع الشباب وشوف هما عايزين إيه وايديهم الـ10 آلاف دولار دول ويشتغلوا ويورونى مجهودهم ويعملوا فيديو ويبايعوا أبو بكر وهنبعت لهم الفلوس واللي هما عايزينه
حباره : طب يا عم الله المستعان الله المستعان.. أنت إيه رأيك أنت.. بتسمع الأخبار أنت؟
الدمياطي: مش سامع الأخبار أنا مش متابع التليفزيون
حباره: طيب طيب ماشى ماشى الله المستعان.. مش هينفع علشان إيه عايز نتقابل علشان أعرف أتكلم معاك صح.. طيب اسمع أنت اسمع طيب أنت.. الناس محتاجين دعم بكل ما أتويت من قوة.. تعرف عملوا إيه في البلد عندنا في الشرقية.. راحوا على أخ فضرب عليهم نار قتل أتنين.. سامعنى؟.. راحوا على الأخ فطخ عليهم قتل منهم أتنين وقتلوه.. واخد بالك وخدوا أخوه بردوا وضربوا أخوه بالنار.. وصفوا الأخ.. خدوا أتنين كانوا بايتين معاه وضربوا زوجته
الدمياطي: اذبحوهم اذبحوهم يا أبو عائشة.. اذبحوهم يا شيخ دبحوهم واحرقوهم حرق يا شيخ
حباره: يا أخي أنت عارف بفضل الله عز وجل.. اللهم لك الحمد والشكر يا رب.. أنا هقولك على خبر رهيب رهيب رهيب.. بس لما أقعد معاك على النت.. أخوك بفضل الله عز وجل اللي عمله بفضل الله عز وجل بفضل الله
الدمياطي: تمام تمام.. عم الشيخ أنت بتبايع أبو بكر ولا مبتبايعش أبو بكر
حباره: أنا أبايع أبو بكر.. ومستعد كل الأخوة اللي معايا بفضل الله عز وجل
ألدمياطي: تبايع دولة الإسلام
حباره: أيوة أيوه أيوه.. دولتنا الدولة اللي بناها أبو مصعب المزرقاوى
الدمياطي: اسمع يا عم الحاج.. أنا الأسبوع ده هبعت لك 10 آلاف دولار يجولك لغاية عندك
حباره: طيب ماشى ماشى الله المستعان.. اسمع قبل ما تبعت قولي علشان عاوز أديك اسم الأخ تبعتهم عليه
الدمياطي: لا بص أسمع.. اسمع منى.. أنا هتصل عليك عندك في سيناء هما موجودين عندك.. هما موجودين علشان هيوصلوا ليك.. هيقلولى وصلى هدهملهم فاهم المقصود إيه؟
حباره: طيب ماشى.. المهم بس أهم حاجة.. مش عاوزك تربطنى بأي حد في سيناء
الدمياطي: لا لا لا الناس هنا مظبوطة يا عم الشيخ.. يعنى أخ هيكون معايا هنا يمكن أنت تعرف اسمه “أبو عبيدة المصري”
حباره: منين.. هو منين؟
الدمياطي: أمير محمد عندنا يا شيخ
حباره: منين؟
الدمياطي: إسكندرانى هو كان مع الشيخ أيمن
حباره: أيـــــــوه.. بس بس هو ده اللي أنا.. لا بص يا عمر.. اسمعني سامعني؟
الدمياطي: مالك؟ سامعك
حباره: أنا شفت اللي عمري ما شفته في تاريخ حياتي من سيناء وناس سيناء.. علشان كده أنا بقولك ما تربطنيش بأي حد من سيناء بس
الدمياطي: متخفش الجيش واقع.. وهبعتلك الفلوس
حباره: الله المستعان.. اسمع يعنى المهم أنت عندك طريقة توصلهملى لحد هنا
الدمياطي: أه عندي أخ هيوصلهم ليك
حباره: هيوصلهملى لحد هنا
الدمياطي: أه.. لو أحمد يعرف يجينى هنا هبعتهوملك مع أحمد أبو صهيب
حباره: لا لا لا خلى بالك علشان أبو صهيب.. أنت عارف الوضع.. بلاش بردوا تدخل أبو صهيب في الخط
الدمياطي: ليه.. إيش فيه عنده
حباره: بلاش تدخل أبو صهيب في الخط علشان أبو صهيب.. طبعا أنت عارف كل واحد يبحن لبلده.. ما هو إيه هيقعد يتكلم ويقولك مش عارف إيه.. وإحنا عندنا أولى وإحنا عندنا مش عارف إيه.. القصص اللي انت عارفها دي.. إحنا متفرتكين.. بص بص بص أنا هقولك على حاجة.. اسمعني والله الذي لا إله غيره.. أقسم باللي رفع السماء بلا عمد أنا لسه شارى بـ1500 جنيه ذخيرة مكملتش 3 أيام أو أربعة أيام.. يمكن مش عاوز أقولك يعنى أبو صهيب مدفعش فيهم جنيه واحد.. فالشاهد في الكلام محدش ينفع حد.. إحنا هنا في الساحة عندنا هنا بنموت.. ربنا وحده اللي عالم بينا
الدمياطي: طيب اسمع منى طيب.. ينفع في حد يعرف يجينى هنا
حباره: ممممم.. في حد يعرف يجيلك عندك الله المستعان.. أنت عارف المشكلة في الجوازات
الدمياطي: واحد نضيف بجواز ليبي.. يا شيخ جواز ليبي جواز ليبي
حباره: هي دي المشكلة إن مفيش حد عنده الإمكانية.. طيب اسمع أنت مينفعش تبعتهم على واحد
الدمياطي: أنا أقدر أبعتهملك يا شيخ
حباره: ابعتهم على مرتين أو تلاته.. كل واحد مختلف.. أنت فاهمنى
الدمياطي: أنا هبعتلك خمسة، ولو وصلوا هبتعلك الخمسة التانيين
حباره: ممتاز.. فوق الممتاز.. ماشى؟
الدمياطي: طب أقوله إيه عشان نطمن
حباره: انت هتبعتهم أزاي؟ هتبعتهم في حوالة؟
الدمياطي: لا لا.. مو حوالة.. فيه أخ هنا هيستلم منى وهيسلمهم هناك.. أنت اتصل عليه تقوله بالاستلام هيديلوا الفلوس ويمشى
حباره: طب خلاص ماشى.. أنا هجبلك اسم الأخ دلوقتى ورقم تليفونه تتواصل معاه.. توصله الفلوس وأنا هتصل عليك فهمنى.. أنا هتصل عليه.. وهقوله لو وصلك كذا كذا كذا رن عليا.. إيه رأيك؟
الدمياطي: الله المستعان
حباره: خلاص ماشى الله المستعان.. ماشى أنا هكلمه
الدمياطي: أبو عائشة
حباره: أيوه يا حبيبى أيوه
الدمياطي: عاوزك يا أبو عائشة تطول رقبتي.. وعاوزك تعمل فيديو وتبعتهولنا
جبارة: بص بص أنا أقسم بالله العظيم أنا لو هضحى بنفسى مخصوص.. أول حاجة إحنا بنتعامل مع الله عز وجل ورقم اتنين لو كنت أنت عاهدت على أبو عائشة الكذب فمفيش مشكلة تتعامل معاه من البداية أفضل
الدمياطي: اسمع منى أنا عاوزك تعمل فيديو وتنشره على الإنترنت.. وتبعتلى الرابط بتاعه وتقول إيه.. تقول إحنا دولة الإسلام فى العراق والشام ونبايع أبو بكر البغدادي على دولة الإسلام
حباره: تمام تمام.. ممتاز ممتاز
الدمياطي: اسأل الشباب بتاعك وزبط حالك.. وهبعتلك اللى أنت عاوزه
خباره: ماشى يا حبيبي توكل على الله .. الله المستعان.. نسأل الله العظيم رب العرش العظيم أن ييسر لنا أمورنا اللهم أمين يا رب العالمين
الدمياطي: اللهم أمين .. اللهم يسرلك أمرك
حباره: والله إن شاء الله بإذن الله يا عموره.. شكلك كده إن شاء الله هخليك تنزل وتقعد معايا بإذن الله عز وجل ربك ييسر
الدمياطي: خلاص يا عم بقيت مطلوب دوليا هيمسكونى.. ولو رحت تركيا هيمسكونى
حباره: ههههههه واحشني يا ابن اللذينا أقسم بالله
الدمياطي: الحمد لله ربنا تاب عليا ومن عليا بمجلس شورى الدعوة يا عم الشيخ
حباره: أسأل الله العظيم رب العرش العظيم أن يحفظك بحفظه اللهم أمين يا رب العالمين.. ياما اتمنيت إن أنا أجيلك ومعرفتش بس على العموم ربنا فتحها عندنا أهو الحمد لله ربك ييسر الحال.. أنا هجيب نت
الدمياطي: أنا ممكن أبعتلك جواز من عندنا هنا.. أظبطلك أصبر يا أبو عائشة.. أصبر ممكن أبعتلك جواز سفر متقلقش
حباره: يا ريت أقسم بالله
الدمياطي: عاوز الشغل يشتغل عندكم
حباره: أهم حاجة متربطنيش بخط أبو صهيب.. خلى أبو صهيب مع نفسه، وأنا مع نفسى علشان أنا أدرى بالوضع.. ماشى يا حبيبي يعنى خلى خطى بينك وبيني لا يعلمه إلا الله عز وجل.. ماشى؟
الدمياطي: أصلى أنا أتكلمت معاه النهارده، وقالي أنا كنت مع أبو عائشة وكنا شغالين و25 عسكري مش عارف إيه!
حباره: بس بس بس.. هههه.. أنا بقولك متشغلنيش معاه علشان هو أصلا فضيحة فضحية
الدمياطي: المهم أنت معاك أسلحتك وشبابك وأمورك متنظمة
حباره: بإذن الله.. موجود موجود موجود بإذن الله عز وجل
الدمياطى: أنا مش عاوز منك إلا بس حاجة.. تعلن دولة الإسلام على فيديو ووراك الراية السوداء، وتكتب عليها دولة الإسلام فى العراق والشام.. ونحن من داخل أرض الكنانة نعلن مبايعتنا لأبو بكر البغدادي
حباره: إن شاء الله عز وجل.. اسمع.. إن شاء الله جماعة المهاجرين والأنصار تعلن مبايعتها لأبو بكر أمير دولة العراق الإسلامية في العراق والشام.. ماشى؟
الدمياطي: جماعة المهاجرين والأنصار فين فين؟ فى أرض الكنانة
حباره: آه في أرض الكنانة
الدمياطي: الكتيبة بتاعتى اسمها جيش المهاجرين والأنصار
حباره: ماشى.. ما أنا هعمل جيش المهاجرين والأنصار بإذن الله عز وجل
الدمياطي: هتكتب إيه؟
حباره: أنا عارف أنا هكتب إيه وهظبطلك الدنيا.. أنا هظبطك أنا هههههه.. ربك ييسر الخير إن شاء الله عز وجل بس الدعاء الدعاء.. بص أنا عندى فكرة حلوة .. أنا هرفع الفيديو وأكلمك تأخذه أنت تظبطه وبعدين ترفعه أنت من عندك.. إيه رأيك؟ علشان أنا معنديش الأخ اللي أنا معتمد عليهم أو المهندسين اللي معتمد عليهم وبيفهموا في الكمبيوتر علشان كلهم مسافرين.. ماشى
الدمياطي: طيب ماشى هتبعتهولى أزاي؟ أبعت الفيديو على الصفحة بتاعتك مش أنا بعتلك عليها الفيلم
حباره: أنت عملت أعجبني على الفريضة الغائبة
الدمياطي: معرفش والله أنا بعتلك رسالة خاصة قلتلك يا عادل لو أنت معاك عمرو الدمياطي.. عايزك للضرورة ضرورة ضرورة
حباره: الفريضة الغائبة.. بقولك على الفريضة الغائبة
الدمياطي: الفريضة الغائبة يا عم الشيخ
حباره: ميه الميه.. دخلت عليها أنت لقيت الصفحة صورة الصفحة اللي هو الملياردير المجاهد
الدمياطي: آه صورة الشيخ
حباره: صورة الشيخ أسامة
الدمياطي: أيوه لأن كلهم جروبات يا شيخ
حباره: بس ميه ميه.. هي دي تمام تمام تمام.. طيب إن شاء الله عز وجل،، النهارده هسعى جاهدا إن أنا أجيب نت.. وإن أنا أحاول أتواصل معاك
الدمياطي: افتح النت ولما تلاقى الصورة بتاعتى هتعرف
حباره: ميه الميه.. أنا هحاول أضبط الأمور وأبعتلك الفيديو على طول