بعد خسارة الزمالك اليوم لبطولة دوري ابطال افريقيا من فريق صن داونز الذي استطاع الفوز بالبطولة بعد تحقيق الانتصار بمجموع المباراتين 3/1 لصالح صن داونز، أعرب عمرو أديب عن غصبه الشديد اليوم بعد خسارة الزمالك لفرصة كانت لا تعوض للعودة على طريق البطولات الأفريقية والحصول على البطولة اليوم خلال برنامجه “كل يوم” المذاع على قناة أون، ننشر لكم أول تعليق من عمرو أديب على مباراة الزمالك وصن داونز اليوم.
وعلق عمرو اديب على خسارة الزمالك أنه غاضب جدا من ضياع مثل هذه الفرصة من الزمالك، والتي كانت قد تحقق له البطولة السادسة، وأكد أنه مر عليه الكثير من السنين وهو يشجع الزمالك، ولم يفرح إلا 4 مرات أو 5 منذ تشجيعه له، وتابع عمرو قائلا:
احنا مش هنقعد نجيب مدربين يتعلموا فينا، احنا عاوزين مدرب كويس ، عاوزين مدرب كبير ، تعبنا بقى ، عاوزين مدرب واحد يفضل يمسك الفريق، هو دا جمهور الزمالك اللى بيتبهدل على طول، بس هنفضل طول عمرنا كده ملطشة.. مش ممكن يعنى ، دا الجمهور غلبان والله العظيم تلاتة ، كان نفسنا النهاردة نقدم حاجة للبلد ، إنما احنا مغلوبين الماتش هناك عشان مفيش تنظيم وتدريب كويس.
رب ضارة نافعة ، ولسه الدورى فى أوله ، عاوزين مدرب كويس وثبات للمدرب، دا نادى كبير، بالعشر سنين والـ14 سنة بين بطولة وبطولة، حرام الواحد تعب ، نادى الزمالك مش ملطشة دا نادى محترم، دا قدرنا احنا ديما كده.. عارفين الفرق بينا وبين الأهلاوية بتبقى مسألة شاذة بالنسباله البطولة تضيع، لكن احنا بالنسبة لنا عادى، انما 49 سنة بأتضايق، وأنا بتفرج على الزمالك من أيام حمادة إمام لغاية حازم إمام وحازم إمام الصغير لغاية ما مشى، حضرت كل عيلة إمام .
جدير بالذكر أن فريق الزمالك فشل في تحقيق الفوز اليوم على حساب صن داونز الأفريقي، واستطاع فقط تسجيل هدف واحد ليكون مجموع مباراتيه 3/1 ويخسر بطولة دوري ابطال افريقيا هذا العام.