البقسماط من اساسيات المنزل حاليا وهو بديل الفجيتار ، يعطى طعم وقرمشة غير عادية للحوم والفراخ والكباب ويضاف ايضا لصينية البطاطس بالجبنة فى الفرن ويقلى به الكبد باختصار هو يدخل فى الكثير من الاطعمه ، ولان المنتجات فى الاسواق ترتفع باستمرار والفجيتار ايضا ، فنقدم اليوم لكم طريقة عمل البقسماط فى البيت .
الطريقة :.
تجيبى عيش فينو اى كمية نشفت عندك ولكنها مازالت سليمة لم تتعفن وممكن كمان العيش السن الناشف اللى مش حابة تاكليه والسميط والباتون ساليه اى مخبوزات للفرن قريبه من العيش الفينى او بنفس العجينة تقريبا وممكن اطراف العيش التوست، وتحمصيه فى الفرن ( وممكن متحمصيهوش عااادى )وتطحنيهم فى الكبه ناعم جداااااا وبعدين ضيفى عليه كل التوابل اللى عندك ( كارى – بهارات فراخ – بهارات لحم – سبرنكل – كركم – ملح – فلفل اسود ) / وبعدين حطيه بكيس مقفول كويس جدا وحطيه بالتلاجة واستخدميه بقى فى قلى البانيه والفراخ والكبده والكباب وعلى وش البطاطس فى الفرن والف هنا .