اينار هو اسم التابلت المصرى الجديد الذى انتجته شركة بنها للصناعات التكنولوجية اول حاسب لوحى انتاجى مصرى خالص يعمل بنظام اندوريد 4.0 آيس كريم ساندوتش ، وقد انتجت الشركة 10 الاف جهاز لطلبة الجامعات وتخطط الشركة لانتاج 3 مليون تابلت خلال عام 2014 .
سعر تابلت اينار Inar
وقد بلغت تكلفة إنتاج تابلت اينار هي 1000 جنيه مصري ، ومن المفترض أن تنخفض التكلفة لدى إنتاج كميات كبيرة وسيكون سعره فى الاسواق المصرية من 1200 : 1300 جنيه مصرى تقريبا ، علما بان الجهاز سيكون متاحا فى الاسواق يوم 15 مايو تعرف الان على سعر تابلت اينار ومراكز البيع .
مواصفات تابلت اينار
معالج بقوة 1.6 جيجاهيرتز
شاشة 9.7 بوصة بدقة وضوح 720X 1024
ذاكرة وصول عشوائي RAM 1 جيجا بايت،
ذاكرة تخزين حتى 32 جيجابايت
نظام تشغيل «أندرويد 4.0».
كاميرا امامية 0.3 ميجا وأخرى خلفية بقدرة 2 ميجا بيكسل
دعم شبكات الاتصالات WI-FI وشبكات الجيل الثالث،
وزن الجهاز 750 جراما.
فيديو اعلان تابلت اينار
وفى النهاية يجب علينا جميعا تشجيع الصناعات الوطنية ودعم التابلت اينار Inar وشراءه فور توفره فى الاسواق المصرية .
طيب هوة هنيزل الاسواق المصرية امتي لازم الشعب بيشوف ويجرب عشان تصدق
عندك حق يااستاذ خالد
شكرا يااحمد علي ردك الجميل ….. لانك مصري بجد
طب بتباع فين او هينزل فين ومعارض الشركه اللي صنعاه فين
اتمنى اننا نشجع بعض لان هو دا الى محتجينه
يا جماعة اهم حاجه اننا بدانا الطريق الصح
شجع الصنعه المصريه
المنتج مصري 100% 100 ماعدا البروسيسور المعالج و الشاشة اللمس وغير ذلك تم تصنيعه في مصنع بنها للصناعات الهندسية من خلال خط أنتاج تم نقله من الصين كما يوجد بالمصنع خبراء أجانب للأشراف فقط علي جودة المنتج ليس أكثر. عمااااااااااار يا مصر
انا عن نفسى اول مينزل فى الاسواق اول واحد هشتريه مع العلم انى معايا تابلت سامسونج جالكسى بس عشان اشجع المنتج المصرى وعشان نتقدم وعشان نرفع الروح المعنويه للمصانع ونشجعها عشان ننافس الدول الاخرى
هو انتوا ليه مش عاوزين تصدقوا ان مصر لسه بخير واننا قادرين اننا نحقق اكتر من كده كتيييييييييييير
انا متفائله جدا على الرغم المساوئ اللى بنشوفها كل يوم
أحلى حاجة فى الإعلان إن الواد بيوصل سماعات iPhone فى التابلت "المصرى"
تشجيع الصناعة الوطنية شئ مطلوب اكيد . بس مطلوب كمان الشفافيه بمعنى الاعلان عن المكونات من اى بلد و نسبه التصنيع المصرى كم فى الميه و تصل الى كم فى الميه بعد كم سنه لكن الاعلان ان التابلت مصرى 100% دى المرفوض تماما لانه تقريبا خداع للناس
يا جماعه الى فاكر ان التصنيع سهل ده مش فاهم حاجه معنى ان نصنع التابلت كامل ده معنه انالازم اكتر من مصنع وهذه تكلفه باهز جدا مع عدم وجود العلم الكافى لهذه المصانع مع ذالك الحمدالله على هذا كنافييييييييييين
يا رب اكون اول واحده تشتريه ان شاء الله
كفايه انه من صنع بلدي ولازم ابقى فخوره اننا اخيرا صنعنا حاجه مصريه ولازم نشجع منتج بلدنا بلاش الفكر الهدّام الي بقى عاده عن بعض المصريين دلوقتي
هو الناس بتشتم في التابلت علشان هو فيه ايه بالظبط ؟؟ ..
هو ايه علاقة السياسية بالموضوع .. ؟؟
انتاج مصانع بنها يعني منتج مصري .. و لازم نشجع المنتج المصري – في حالة كونه منتج جيد طبعاً – انما حكاية ان كله حته فيه من حته .. عادي يعني .. زي المرسيدس التجميع المصري .. !!
لكن في النهاية دعمنا للمنتج = دعمنا للإقتصاد المصري ..
للأسف فيه ناس حاطة في دماغها انها لما تسفه المنتج المصري .. يبقي كده بنتصر ارائها السياسية .. يا جماعة في النهاية كلنا نسعي لمصلحة الوطن .. و من مصلحة الوطن البديهيه اننا ننتج مثل هذه الصناعات علي ارض مصر .. اللي فاهم غير كده حقيقي محتاج يراجع نفسه !
والله انت انسان محترم جدا ووعاقل
الله يباركلك ويكرمك ويصلح حالك ويكثر من امثالك البنائين والله كلامك اسعدنى اتكلم وفهم اللى مش فاهم ربنا يهدينا ويهديهم
المهم ان نسعا شعبا وحكومه لهذا الاتجاه
ألى الامام سر
https://www.facebook.com/AltabltAlmsryInar
اول حاجة فى البلد دى تفرح صنع تابلت مصرى
مبروك لمصر على التابلت الجديــــــــــــــــــــــــــــــــــــــــــــد
الحمد لله ان عشت وشوفت مصر صنعت حاجة بنسبة 80% او 90% بدل الصينى والكورى ومكسب للغير وجمارك ومصانع بتتفتح على فلوس الغلابة الشعب المصرى مضيع ربع فلوسة على التكونولوجيا موبيلات كمبيوترات انترنت مكالمات موبيل مصر بلغ المحمول 70 مليون والشعب 80 مليون اذن هذه تجارة رائجة التكنولوجيا
وكمان هتبقى قطع الغيار متوفرة عبال السيارات والموتوسيكلات بس يكون تركيب مصرى 100%
الجهاز مواصفاته كويسة بس سعره عالى بالنسبة للفئات اللى هوة منها والتابات اللى بنفس المواصفات سعرها لا يتجاوز 1000
والبروسيسور مش 1.6 دى كانت مناقصة دخلتها مصر وخسرتها
ولو كان البروسيسور 1.6 يبقا سعره مش هايقل عن 1800
انما الحقيقة ان البروسيسور 1.2
صباح الفل
لو سمحتو هو هينزل الاسواق امتى
والله ده انجاز لمصر وللمصريين ويارب نتطور اكثر من كده و نذوق متعة الانتاج
تعليق بس للأخ اللى كاتب إن كل حاجة مش مصرية هوا ده أصلا سوق التابلت فى العالم يعنى شركة سامسونج العملاقة بتشتغل بنظام اندرويد والشاشة المصنوعة فى كوريا شركة أبل بتستخدمها فى أجهزة الأيباد والبروسيسور ال arm بيستخدم فى أجهزة عالمية مع العلم إن تصنيع البرودا أو اللوحة الدوارة ودى أهم حاجة فى الجهاز مصرى وأنا شفت تقرير قناة الجزيرة ياريت مش كل حاجة تعدو تهدمو فيها كده
طب قول اي تقرير من اي حتة الا قناة الجزيرة طيب عشان احنا نفسنا نصدق والله!
على فكره ايام 25 يناير يا استاذ هيثم مكناش بنشوف الاخبار الحقيقيه الا فى الجزيره ومش عارفه ليه دلوقتى مبقتش على هواكوا
استاذ هيثم .. قناه الجزيزرة من القنوات القليلة اللى بتنقل الحقيقة .. طيب فيه اى خبر عن التابلت او عن انتاج سامسونج او نيسان او قرب الاكتفاء الذاتى من القمح او مشروح محور القناه او اى مشاريع منتجة فى قنوات الدعارة.. مافيش غير الخراب وبيقولك بننقل الحقائق .. الحمد لله حذفتهم علشان انا بكره الكدب
مبروك علينا
سياسة بنها منتجات نصف كوم الفرق بينها وبين افضل تاليت فى التكلفة الانتاجية ليس كبير ولكنهم بيستهبوا لسه عقلية ان المواطن لازم يشترى منتجى ردىء نلزوا منتج قوى ينافس اعلى المنتجات اعلامية بجى بى اس وذاكرة كبيرة وسعة تخزين عالية وحلوا لمشاكل الاعتماية لمثل هذة الاجهزة
هو نزل السوق ولا لسا
ashtereeh mnee?
فين اماكن بيع التابلت
عند كشري ابو طارق
انت لسه شغال في المحل ده؟
التابلت المصرى 100%
نظام تشغيل Android لشركة google الأمريكية
بروسيسور NEON من انتاج شركة ARM البريطانية
رامات من انتاج شركة JEDEC الأمريكية
شاشة TFT LCD انتاج سامسونج الكورية
ميمورى NAND flash انتاج سامسونج
استيكر مطفى نص لمعة انتاج بنها للألكترونيات المصرية
بالاضافة الى كتابه الاسم عليه 😀
استاذ عصام قلي حضرتك مش عارفو انو مش شرط يكون عندنا مصنع انتاج شاشات وبروسيسور وميموري.
ثاني حاجه المنتجات دي الشركات الكبري في العالم زي ابل وسامسونج و htc شركات كتييير جداً بتشتري المنتجات قلي حضرتك كتبتها
ثالثاً في العالم كلو مفيش حاجه اسمها منتج كامل الصناعه شركة ابل امريكيه وبتصنع في الصين بقطع وايدي عامله صينيه هل هذه يمنع ان المنتج امريكي وليس صيني.
رابعاً النظام نفسو لازم يكون الناس كلها تعرفو كويس واتعاملت معاه قبل كده.
خامساً شوف تليفون حضرتك شوف البطاريه مصنوعه فين وشوف الشاشه مصنوعه فين وشوف النظام بتاعو مصنوع فين
لو حضرتك عرفت تعمل كده هتفهم ان التابلت صناعه مصريه ليه صناعه مصريه لان تصميم الالكترونكس مصري وتصمين الدوائر اللاكترونيه والكهربائيه مصري وبالتالي المنتج اصبح مصري
فى فرق لما يستورد قطعة او قطعتين والباقى من تصنيعه ولما يبقا كل مكوناته مستوردة
غير كدة ان التابلت مش ابتكار او تصميم مصرى ده تصميم متقلد ومتقفل فى مصر بس
عشان تبدأ تنافس فى التكنولوجيا لازم يكون عندك براءة اختراع للمنتج أو تصنع معظم المنتج فى مصانعك وتستورد اجزاء قليلة لو لزم الامر
مش تستورد كل مكوناته وتقولى تصنيع مصرى !!!!
اكبر شركة سيارات فى المانيا مرسيدس بنز لا تنتج كارتات الكمبيوتر الخاصة بالشركة بل تنتجها سيمنس وايضا لا تنتج طلمبات مياه المساحات والبنزين بل تنتجها بوش لصالح مرسيدس يا اغبياء ويعد هذا التصنيع بمواصفات وليس تصنيع عشوائى
في موضوع المنتج المصري و فكرة الفخر بالمنتجات المصرية.
في امور معينة العواطف و المشاعر الوطنية مش المفروض يكون لها دور. ده منتج محلية في المنطقة اللي انا ساكن فيها، اذا له الاولوية في الشراء.
الاهم من كده لازم الموطورين يتأكدوا ان الجهاز ممكن يتم تعديله و زيادة قدراته دون الحاجة لتغير الجهاز كله. ده حيوفر موارد كثير من موارد الارض زائد ان حيشيل عبأ عن المواطن ان كل شوية يشتري تابلت جديد
ÄħMëð MãĦër حرام عليكوا يا جماعه أحنا لسه بنقول بسم الله الرحمن الرحيم
مستقل انت بالاستكر النص لمعة 😀
mr essam
please go sleep and donot forget to cover your face
الناس المشككة و المحبطة و الذين يلبسون نظارات سوداء على عيونهم …………..
نفضوا عن قلوبكم الغمام و أزيحوا عنها الحقد و الكراهية ……
و أحبوا بلادكم و افتخروا بما فيها و إن لم ترضوا عنها أعينوها لكي تنهض و تكبر بأبنائها يا أبناء مصر…..
هدانا الله و إياكم لما فيه خير البلاد و العباد
أهمحاجة البداية وبعدين نبدأ نفكر ممكن نصنع هنا اية لاى قطعة من اجزاء التابلت ، بس نبدأ ونشجع بعض وهتلاقى العقول المصرية هتتحفا بأفكار مش موجود فى العالم والله – نفسى نبطل تشاؤم وتعجيز .
Moamen Hassan Moamen الله يباركلك
ÄħMëð MãĦër لا تكن احدى الاسباب او الاشخاص التى تصيب من يجتهد بالاحباط فان رحلة الالف ميل تبدأ بخطوة فهل من العقل ان تكون اول خطوة باقصى سرعة وهل عندما تركب سيارتك مسافرا تبدأ بالغيار الخامس فهذه الخطوة لم نكن نحلم بها ابدا , فأرجو منك ان كنت تريد تنقدالاخرين فأجعل نقدك نقدا بناء وليس هدام وسامحنى انى طولت عليك وأخيرا .وعن أبي هريرة -رضي الله عنه- قال: قال رسول الله -صلى الله عليه وسلم-: من كان يؤمن بالله واليوم الآخر فليقل خيرا أو ليصمت.
مفيش شركه بطلع منتج من الالف الي الياء فده في حد زاته انجاز كبير و هيه دي الحاجات اللي بتجيبنا ورا
كلامك صح وموزون وعن فهم مش زى الأغبياء اللى نفسهم التقليل من أى شئ مصنوع في بلدهم وخلاص، بجد احييك أستاذ محمد
ÄħMëð MãĦër مبن اللي ضحك عليك وقالك كل مكوناته مستورده ،، بالعكس اولا التصميم مصري تماما وليس مقلد كما تدعي ، وهي من تصميم ايتيدا المصريه ،، البورده ايضا مصريه تماما وعشان كده احنا واخدين براءه اختراع لأن التصميم ونسبه من التصنيع مصري ، اما عن البروسيسور والرام والشاشه فاذا كانت النهارده مستورده ، خلال 4 سنواات ستكون مصريه حينما ننتهي من مصنع تصنيع السليكون ف سيناء والي بدأ العمل في بناءه منذ اسابيع القليله وساعتها هنكون قادرين علي تصنيع المكونات الالكترونيه باستخدام السليكون المصري اللي بنصدره ، النهارده انت عملت تصميم وعملت تصنيع لبورده وعملت تقفيل كامل ، بكره ان شاء الله تعمل كل اجزاءه
ÄħMëð MãĦër كفاية انه اتقفل فى مصر كبداية
ثانيا هيتوزع على الجامعات وبعدها المدارس ودى هتكون بداية أفضل كــتعليم كمان ان شاء الله :]
سيادتك هي دي الصناعة في اي مكان في الدنيا بلاش جهل بقى امريكا مسيطرة على العالم كله لانها تملك اكبر مصانع ايسيهات في العالم .. اللي بيبتدي صناعة في اي دولة عملاقة بيشتري منتجات اولية من عدة شركات مختلفة و يجمعاه وفقا للتصميم بتاعه لكن كده بيبقى عندك انت حاجة اسمها know how فتقدر بعد تراكم الخبرات تعمل حاجات اعقد و اكبر و تتعامل مع موردين اكتر فتستقل بنفسك .. بلاش اي حد لي توجه معين و ميفهمش في الصناعة يتكلم بلا علم يخرس احسن
هشتريه هو بيتباع فين في بنها ياريت الرد بسرعه
انا ان شاء الله هشتريه اول ما ينزل السوق
برافو عليكي والله هي دي الوطنيه مش المولوتوف نشجع بلدنا واقتصادنا الالمان اول ما يدوروا على منتج يشتروه يدوروا على الالماني ثم لو مافيش ياخدوا مستورد عارفه ليه بيقولوا لو ما اشترناش الالماني المصنع هايقفل والعمال يتسرحوا والبطاله تزيد مش احنا لازم نتغير
وانا كمان عاقد النية على كدة اشترية اول ما ينزل علشان انا فعلا محتاجة وتشجيع المنتج المصرى .
من المفترض ان يكون ارخص بكثير من هذا السعر
يعنى عاشان مصرى مش هنبطل نفاصل
على لو بالسعر ده والماصفات دى يبقى سعره معقول بالنسبة للسوق
اموت واعرف ازاى هو تكلفته 1000 جنيه وقد تم انتاج 10 الاف تابلت كدفعة اولى بتكلفة 2 مليون جنيه مصرى فانت لما تحسبها هتلاقى تكلفة الواحد بس 200 جنيه !!!!!!!! ليه بقى بتقول تكلفته 1000 جنيه ايه غرضك من كدة ؟!!!!!!!!!
انت بتهزر يا جدع 200 جنيه ايه بس دول ميجيبوش سعر تكلفة الشاشه
انا قرات انو سعره هبداء من 1000 جنيه يمكن غلطه مش لازم يعني كل حاجه تقفشو عليها
المصنع اتكلف لحد ما طلع الكميه 2 مليون دي تكلفة انتاج وليست تكلفة القطعه الواحدة
يا عم الحاج انت لخبطلى نفوخى انا صدقت وقلت من اولها نصب . انت كده اتكلمت فى ماتعرفاش وهاتعمل بلبلة فى واحد محترم اهو بيقولك ان المصنع اتكلف لحد ما طلع الكميه 2 مليون دي تكلفة انتاج وليست تكلفة القطعه الواحدة اسكت بقى وبطل اشاعات .على فكرة مع احترامى ليك انا بهزر
لا يافندم تكللفه ال 10 الاف قطعه كانت 10 مليون وليس 2 مليون وده سعر المناقصه الرسمي