الفراخ بالبرتقال طريقة جديدة للفراخ تجمع بين الفراخ المتبلة والمشويه والطعم المزز ، لاتستغربون فهى وصفة رائعه ومميزة وسهلة جدا ، انصحكم تجربوها لانها مش مسكرة زى ماكتير فاهم بس هى فراخ بخلطة جديدة واهو تغيير .
المقادير :.
*فرخة
*بصلة مفرومة
*ملح وفلفل
*كوباية عصير برتقال بالتفل بتاعه
*ورق لورا وبصل وحبهان وملح وفلفل لسلق الفراخ
* كوباية عصير صلصة طماطم وكوباية عصير برتقالوبهارات فراخ وفلفل اسمر ودول مع بعض زى *صوص للفراخ
*فحمة مولعة ونطفيها فى معلقة سمنه.
الطريقه:.
بمنتهى البساطة فرخة اللى متنضفه كويس جداا بنتبلها بايه بقى (ببصلة مفرومة وملح وفلفل وكوباية عصير برتقال ونعصر البرتقال يدوى بالتفل بتاعه مهم جداا لانه بيدى مزازة حلوة جدا مع الفراخ )
بعدين بعد مانتبلها حبة حلوين بنسلقها فى مية وورق لورا وبصل وحبهان وملح وفلفل وقرفه لو عاوزة
بعد مانسلقها نجهزة كوباية عصير صلصة طماطم وكوباية عصير برتقال وحطى عليهم بهارات فراخ وفلفل اسمر ونحطهم على النار لحد مايتسبكو كويس جداااا مش يتسبكوا نص نص كويس جدا ونتبل بيهم الفراخ وندخلها الفرن لمدة نص ساعة نشغل عليها الشواية علشان تحمر ونجهز فحمة مولعة ونطفيها فى معلقة سمنه ونغطى الفراخ علشان تاخد نكهه المشوى وادعولى لما تدوخوا من طعمها .