البيتزا من الاكلات اللذيذة والخفيفة والمحببة للكثير كبار وصغار ، دائما ما ناكلها فى الخارج ولكن اليوم لاداعى للتكايف اصنعيها الان بالمنزل بحرفنة المتخصصين والشيفات وباقل التكاليف وباسهل الطرق ، نقدم لكم اليوم طريقة عمل البتزا ونرجو ان تنال اعجابكم ,
المقادير :.
3 كوب دقيق
كوب زبادى
ملعقة خميرة فورية
ملعقة سكر صغيرة
نص ملعقة ملح صغيرة
3 معالق كبار لبن بودرة
معلقتين زيت
ماء دافئ للعجن حوالى كوب الا ربع (ممكن اكتر أو أقل على حسب ماتحسى العجينة معاكى)وممكن تعجنى نص مية ونص لبن .
الخطوات :.
اخلطى المقادير الناشفة مع بعض وبعدين ضيفى الزبادى والزيت وبعدين المية بالتدريج لحد ماتوصلى للقوام المطلوب ومتبقاش لازقة بايدك .
بعدين سبيها لحد ماتخمر ولو حابة تعرفى هى خمرت ولا لا اضغطى بصبعك على العجينة اذا لقتيه بيدخل بسهولة والعجين مش ببلزق بايدكك وحجمها زايد تبقى خمرت .
بعدين افردى العجينة فى الصينية وراعى ان تكون سمك العجينة رفيه متبقاش تخينة وتعالى على الحروف وحطى سوسيز او هوت دو لو عاوزة وبعدين غطى السوسيس بطرف العجينة . وبعدين ادهنى الحرف بصلصة بيتزا ، وبعدين ضيفى بقى الاضافات اللى انت عاوزاها سواء لحم مفروم او تونه او جمبرى اى شئ .
حشو البيتزا بيختلف بس فيه اساسيات وهى:.
اولا قطع فلفل وطماطم وزيتون تتقطع شرايح وتغرزيهم بالعجينة دا فى الاول ، وبعدين تضيفة بقى طعم البيتزا سواء فراخ او تونه او لحم مفروم وبعد ماتضيفى الطعم اضغطى عالبيتزايه وااااخر حاجة الجبن الموتزاريلا والشيدر او الجبن عموما تضيفى نص كمية الموزاريلا وتسيبى الصينية شويه صغيرين وبعدين تدخلها الفرن على نار متوسطه وطبعا تشغلى الفرن عشر دقايق قبل ماتدخلى البيتا فيه واول ماتقرب تستوى ودا طبعا هتعرفيه لما تلاقى الوش بدا يحمر والجبنة ساحت وكمان الحروف نشفت شويه واستوت وقتها ضيفة باقى المزاريلا وشغلى الشوايه بس عليها لحد مالجبن تسيح وبالف هنا .
دى طريقتى المخصوص فى البيتزا ياااارب تعجبكوا ومستنيه تعليقاتكوا.